Europe New Year 2027 🇵🇱🇭🇺🇦🇹 | tba.eg
Europe New Year 2027 🇵🇱🇭🇺🇦🇹
فاضل مكان واحد- 26 ديسمبر – 2 يناير 2027
- Al Golf، مصر
- باقي 36 يوم
التسجيل على Luma، وبعد ما تتقبل بتدفع من tba.eg/pay
Next Stop 2027 🚐❄️ | TBA
السنة دي وإنت بتقول «السنة الجاية أسافر»… ممكن تكون بتقولها وإنت في بودابست 😎🎆
إحنا قررنا نقفل 2026 بشنطة وجاكيت تقيل وRoad Trip في أوروبا. 3 بلاد خطيرة و4 مدن ولا أخطر 🇵🇱🇭🇺🇦🇹
📍 البداية | صباح السبت 26 ديسمبر 2026 — كراكوف، بولندا
🏁 النهاية | السبت 2 يناير 2027 — فيينا، النمسا
💶 1,299 يورو للفرد | 7 ليالي | الطيران حجز منفصل
━━━━━━━━━━━━
🚐 طب هنعمل إيه في مغامرتنا؟
🇵🇱 26 ديسمبر | كراكوف
هنلف المدينة القديمة على رجلينا وننزل تحت الأرض سوا في منجم الملح Wieliczka، وسط قاعات وتماثيل منحوتة في الملح ⛏️
🏔️ 27–29 ديسمبر | زاكوباني
3 ليالي في الجبل عشان ناخد راحتنا. هنطلع Kasprowy Wierch بالتلفريك، ونركب قطار Gubałówka، ونلف في شارع Krupówki. واللي نفسه ينزل المية السخنة والدنيا حواليه برد، فيه أوبشن الحمامات الحرارية 💦❄️
🎆 30–31 ديسمبر | بودابست
هنعدّي سلوفاكيا بالفان ونوصل بودابست قبل النيو يير بيوم. يوم 31 هنشوف البرلمان من فوق ناحية بودا، وبعدها نركب مركب في الدانوب ونشوف المدينة وهي منوّرة. وبالليل هنستقبل 2027 سوا في قلب بودابست 🎉
🇦🇹 1–2 يناير | فيينا
أول يوم في السنة هنفطر براحتنا ونطلع على فيينا. بالليل هنلف في سوق الشتاء في Prater ونتمشى في شوارع فيينا، وتاني يوم نختم المغامرة من هناك ☕️
━━━━━━━━━━━━
💶 الـ1,299 يورو شاملين إيه؟
✔️ 7 ليالي إقامة من 26 ديسمبر لحد 2 يناير.
✔️ كل تنقلات البرنامج بالفان، شامل الإيجار والوقود ورسوم الطرق والباركينج والسواقة.
✔️ جولة منجم الملح، وتذاكر تلفريك Kasprowy Wierch وقطار Gubałówka طلوع ونزول، وكروز الدانوب يوم 31 ديسمبر.
✔️ ليدر مصري معاك طول الرحلة، وتيم يساعدك في حجز الطيران وترتيبات السفر قبل الرحلة ويتابع معاك وإحنا هناك.
🏨 هنقعد فين؟
هنقعد في فنادق 3 و4 نجوم وشقق فندقية، وبنختار في بعض الأماكن إقامة وسط الطبيعة 🌲
الإقامة في الباكدج بتكون في أوض Twin لفردين أو Triple لـ3 أفراد حسب المتاح. ولو حابب تضمن نوع أوضتك طول الرحلة:
أوضة سنجل لوحدك | 400 يورو زيادة.
أوضة ثنائية مضمونة | 200 يورو زيادة للفرد.
مش شامل
- وإيه على حسابك؟
✈️ الطيران الدولي.
🍽️ الفطار والغدا والعشا، بما فيهم عشا النيو يير.
💦 الحمامات الحرارية Chochołowskie Termy لو حابب تدخل. حوالي 25 يورو للفرد لـ3 ساعات، وسعر الأعياد بيتأكد وقت الحجز.
🎿 السكي في زاكوباني لو حابب تجرّبه.
🎟️ أي تذاكر أو أنشطة إضافية خارج اللي مكتوب في الشامل.
🛍️ الشوبينج والمصاريف الشخصية.
━━━━━━━━━━━━
📍 هتقابلنا فين؟
جاي من مصر، الخليج، أوروبا أو أي بلد تانية؟ المهم نتقابل في كراكوف صباح 26 ديسمبر. تقدر توصل كراكوف من ليلة 25، ولو حابب تطلع معانا بالفان من فيينا، وصل يوم 25 ديسمبر قبل الساعة 2 الضهر وابعتلنا ننسّق معاك 🚐
لو هتبدأ سفرك من بلد تانية في الشنجن قبل ما تقابلنا، ابعتلنا إنت جاي منين ونساعدك في حجز الطيران وترتيب وصولك لكراكوف.
✈️ لو جاي من القاهرة
فيه أوبشن مصر للطيران مباشر رايح جاي لفيينا، الذهاب 25 ديسمبر والرجوع 3 يناير، بحوالي 21–25 ألف جنيه للفرد حسب السعر وقت الحجز.
الأوبشن ده بيوصل فيينا 2:30 العصر، بعد ميعاد الوصول المطلوب عشان تتحرك معانا بالفان. لو ناوي تحجزه، ابعتلنا الأول نساعدك ترتّب وصولك لكراكوف.
🛍️ عايز تزود يوم شوبينج في فيينا؟
المغامرة بتخلص يوم 2 يناير. لو حابب تزود يوم شوبينج، خليك في فيينا يوم 2 وسافر يوم 3 يناير.
مبيت ليلة 25 ديسمبر في كراكوف وليلة 2 يناير في فيينا على حسابك لو اخترت أي واحدة فيهم.
━━━━━━━━━━━━
💳 الحجز والدفع
299 يورو ديبوزيت عشان تأكّد مكانك. لو هتدفع من مصر، تقدر تحوّل ما يعادلهم بالجنيه المصري.
1,000 يورو كاش أول ما نتجمع كلنا بالسلامة في كراكوف 🇵🇱
معانا 8 أماكن بس، والأماكن بتتحجز بسرعة. لازم تكون الشنجن طالعة بالفعل وسارية وقت الرحلة عشان نأكد مكانك.
📩 جاهز تبدأ 2027 معانا؟ ابعتلنا والحق مكانك في المغامرة 🚐❄️























