Aswan & Nuba | tba.eg

Aswan & Nuba

Name: Aswan & Nuba
Start: 2026-12-03T00:00:00+02:00
End: 2026-12-08T23:59:59+02:00
Location: أسوان، مصر

3 ديسمبر – 8 ديسمبر 2026
أسوان، مصر
البادچت 9,000 ج.م
باقي 24 يوم

التسجيل على Luma، وبعد ما تتقبل بتدفع من tba.eg/pay

يلا بينا ع بلاد الدهب .. اسوان و النوبة | Aswan & Nuba

في قلب النوبة و ع النيل على طول و نتبسط بالاجواء هناك ❤️

و المرة دي قعدتنا هتكون في قلب النوبة في فندق ع النيل علطول💥❤️

📆 المواعيد :

التحرك من القاهرة هيكون يوم الخميس بليل 3 ديسمبر
و الرجوع للقاهرة: الثلاثاء الصبح بدري 8 ديسمبر

🏠 الإقامة:

إقامتنا هتكون في فندق اشرتود ع النيل جزيرة سهيل النوبية 🏡.

📝 بروجرام الرحلة :

مش بنسيب مكان في اسوان الا لما نزوره و بنقضي اليوم في فلوكة في نهر اسوان الجميل

🔵 اليوم الاول :

بنزور جزيرة غرب سهيل النوبية و بنتمشى في السوق و نرسم حنة و نشوف التمساح و نلف في شوارع النوبة

🔵 اليوم الثاني :

هنروح جزر أسوان زي " جزيرة و حديقة النباتات ، الفنتين ، جزيرة اسوان ، محمية سالوجا و غزال "

و برضو بنعدي ع فيلا الكينج محمد منير و فندق الـ Old Cataract من أفخم وأقدم فنادق أسوان و كمان هنعمل هايك بسيط و نطلع لقبة أبو الهوا ومقابر النبلاء و نتصور من اعلى نقطة في اسوان

و كمان هنشرب الجَبَنَه " قهوة نوبي "

و طبعاً كل التحركات دي بتكون بالفالوكة 🥳⛵️

🔵 اليوم الثالث :

بنروح معبد فيله و نعرف حكاية نقل المعبد و نزور جزيرة تنجار و نعمل كاياك في النيل و نشوف الغروب ❤️

و طبعاً مش ناسيين الشوبينج و بنروح سوق أسوان

🔵 وارد يحصل اي تعديل في البرنامج خصوصاً في اليوم الاول 🙏🏻 و لكن دايما التعديل بيكون لصالحكم و للاحسن ❤️

💸 التكلفة: 9000 ج.م

شامل:

✅ 🏡 الإقامة في فندق اشرتود بقرية سهيل النوبية صف اول على النيل علطول

🔵 الاقامة بتكون (غرف دبل و تريبل باك فيو )

🔔الغرف السينجل بسعر اضافي.

🔔كمان في اوض بتكون Nile View بسعر اضافي 🙏

الوجبات الفطار والعشاء طول مدة الرحلة
الحفلة النوبي
الانتقالات الداخلية جوة أسوان.
تذاكر دخول الأماكن الأثرية والأنشطة زي الفلوكة.

غير شاملة:
❌ حجز القطار او الطيران ذهاب وعودة من القاهرة لأسوان والعكس .

مش شامل

الكاياك
عشاء اخر يوم " يوم السفر "

🔵 بالنسبة للسفر من القاهرة :

هيكون في 2 اوبشن مهم تعرفهم و تختار اللي يناسبك 🙏🏻

▫️ السفر بالقطار :

سعر التذكرة بيبدأ للاتجاه الواحد من

▫️القطار التالجو الاتجاه الواحد بـ 1000 الدرجة الاولى

▫️القطار الـ VIP الاتجاه الواحد بـ 700 ج

▫️ قطار النوم بيبدا من 1500 ج لحد 2500 ج حسب نوع الكابينة ( دبل او سينجل )

وإحنا بنفضل التالجو لانه نضيف و مواعيده مظبوطة 🙏

و في قطارات ارخص بس مش مريحة اوي زي الروسي

⚠️ لازم تحجز بدري عشان تذاكر الدرجة الأولى بتخلص بسرعة.

▫️السفر بالطيارة :

الطيران اتجاه واحد في حدود 3500 ج ، و السعر بيتغير حسب وقت الحجز 🙏🏻

من القاهرة لاسوان فقط ع اير كايرو و طبعا شنطة 7 كيلو و شنطة 20 كيلو

⚠️ يفضل كل ما تحجز بدري كل ما تضمن السعر يكون ثابت

🔵 العودة:

إحنا بنفضل العودة بقطر التالجو السريع درجة أولى عشان هيوفر معاكم في البادچت

و طبعاً كل واحد يشوف المناسب ليه ويبلغنا عشان نساعده في أي تفاصيل على طول.

🔸⚠️ لو هتحجز من خلالنا سواء طيران او تذاكر قطار بتبلغنا برايفت و بتحول تمن التذاكر بعيداً عن الديبوزت المطلوب للرحلة نفسها و بنحجزهالك

✅ او لو حابب تحجز نفسك بنبلغك رقم القطار اللي هتحجز بيه او رقم رحلة الطيران

🔢 الرحلة دي هيكون عددنا محدود !

⚠️ لما تملى بياناتك:
•اتأكد إن بياناتك صح عشان نعرف نوصلك بسهولة.

📩 باقي التفاصيل و الدفع هتوصلك على الواتساب الخاص بيك .

⚠️ طرق الدفع دلوقتي بقت أسهل وأسرع وكمان تقدر تقسط براحتك بالكريدت كارد بتاعتك 🙏🏻

صور من رحلات أسوان اللي فاتت

قالوا إيه عن السفر معانا

Travel Buddies بالعربي - TBA.eg

4.8

استنادًا إلى 117 مراجعة

قيّمنا على

Sarah Alsayed

قبل أسبوعين

في رحلات مسافرها ومنرجع منها بصور وذكريات وفي رحلات منرجع منها ومعنا شي اكبر بكتير والمغرب و تراڤل باديز كانو definitely من النوع التاني سافرت وانا متحمسة اكتشف اماكن جديدة وعيش مغامرات حلوة بس رجعت بذكريات واشخاص وتجربة احلى بكتير من يلي كنت متوقعتها النشاطات كانت متنوعة وحلوة والبرنامج مرتب كتير بس اكتر شي حبيته انو ما كان في احساس اننا مجبورين نمشي على جدول صارم كان في مساحة للعفوية نكتشف ونغيّر خططنا شوي ونعيش الرحلة بطريقتنا وهون لازم احكي عن بسمة لأنها عنجد كانت واو مو بس لأنها كانت مسؤولة عن الغروب بس لأنها عرفت كيف توازن بين التنظيم والمرونة هي شخص كتير flexible حتى لما كنا نقرر نطلع شوي عن البرنامج كانت متفهمة تساعدنا وتنصحنا وتعطينا مساحتنا وبنفس الوقت تضل مهتمة اننا نكون مبسوطين ومرتاحين وجودها عمل فرق كبير بالتجربة بالنسبة الي واكيد الناس يلي تعرفت عليهم كانوا من احلى اجزاء الرحلة غريب كيف ممكن تسافر مع ناس ما بتعرفهم وترجع حاسس انك بتعرفهم من زمان وتصيرو رفقات شكرا على كل الضحك والمغامرات واللحظات العفوية اللي ما كانت بالحسبان وإذا حدا متردد يجرب يسافر مع غروب لاول مرة بنصحه يعطي التجربة فرصة يمكن ترجع بصور حلوة ويمكن ترجع بشي احلى بكتييير المغرب كانت حلوة بكل تفاصيلها بس الناس اللي شاركوني الرحلة خلوها احلى كتيير Would I do it again? Without a second thought definitely not my last inture with you🤍

Mahmoud Enaya

قبل 4 أشهر

سافرت معاهم انا و زوجتي اكتر من مرة و كل مرة بتكون احلى اللي قبلها وبتكون من احلى السفريات واتحولوا من ناس بنسافر معاهم لعيلة تانية كبيرة لينا..❤️❤️❤️ بصراحة من احلى واجمل الجروبات اللي ممكن تسافر معاها 😍😍

Omar

قبل 4 أشهر

فريق وناس انا بحبهم و ثقه وخرجت معاهم كزا مره و الادمينز عسل خاصه فريحه❤️

Rania Elshafey

قبل 5 أشهر

great travel group with amazing organization and friendly staff the trips were fun smooth and well planned highly recommended! ✈️😊 صراحة من احسن الجروبات اللي سافرت معاهم و شكرا جدا لهم كانت تجربة مختلفة و مغامرة جديدة علي بجد جربت اكتفتي عمري ما فكرت اعملها الواحد كان حاسس انوا مسافر مع اخواتوا و اصدقائوا و كل الناس بالجروب كانوا محترمين و كويسين جدا و الاماكن اللي قعدنا فيها كانت تحفة صراحة و نظيفة و كان كل شئ واضح من اول مرة سئلت عن السفرية كنت قلقانة لاني اول مرة اجرب اسافر رحلة رود تريب و شكرا لزهران تعب معانا صراحة و شكرا جدا لفارس و وجية كلهم كانوا helpful احلي تحية 👍

Fatma Ouda

قبل 9 أشهر

بجد تجربة السفر مع الشركة دي كانت أكتر من رائعة. برامجهم مختلفة ومميزة، وحسّيت إنهم فعلًا حريصين إنك تستكشف المكان وتستمتع بكل لحظة وتشوف أجواء متنوعة، مش مجرد رحلة وخلاص. سافرت معاهم لبنان، والرحلة كانت ولا غلطة: تنظيم ممتاز، اختيارات حلوة، وكل حاجة ماشية بسلاسة وراحة. شكر كبير لزهران ومودي، القائمين على الرحلة، ناس ذوق جدًا ودايمًا بيختاروا أفضل حاجة وبيخلّوا الرحلة ممتعة من أول يوم لآخر يوم. أنصح أي حد بيدوّر على تجربة سفر حلوة ومريحة يطلع معاهم من غير تردد 🌍✨ Honestly, my experience with this company was amazing. Their trips are well thought out, and you can really tell that they care about helping you explore, enjoy, and experience different vibes, not just travel. I went with them to Lebanon, and everything was perfect — great organization, great choices, and a super smooth experience overall. Special thanks to Zahran and Mody, the trip leaders — they’re always friendly, professional, and make sure everything is the best possible for the group. I’d definitely recommend them to anyone looking for a fun, well-organized, and stress-free travel experience ✨

mona saad

قبل 9 أشهر

من احسن الشركات اللى سافرت معاهم والمنظمين ناس منظمه اوى وودودين لاقصى درجة اول مرة اسافر معاهم بس الاكيد مش هتبقى الاخيرة 🥰🥰

Menna Khalil

قبل 9 أشهر

السفر مع ترافيل باديز غير دايما حتي لو رحله استكشافية ببقي واثقة اني هتبسط ع الاخر و اهم حاجة الاحساس بالامان لانك بتبقي طالع مع ناس شبهك و بنرجع عيلة 🫂 رحلة لبنان🫰

Ahmed Saied

قبل 9 أشهر

مكان حلو جدا .. رحلات اكثر من رائعه .. و برامج و اماكن جميله جدا و مميزه. جربتهم كتير و دايما اعلي من التوقعات بكتير في كل رحله او اوتينج

roba maher

قبل 11 شهر

أجمل شركه سافرت معاها، وأحلى ذكريات عملتها كانت معاهم ❤️❤️ Keep going TBA 🫶🏻👏🏻👏🏻

Yasmine Zayed

قبل سنة واحدة

لو عايز تسافر مع جروب متنقي بعناية و ناس مُنَظِمة محترمة تثق فيهم و في إن مهما حصل ديفيكت ، فهم هيحاولوا ويعملوا اللي عليهم.. أقترح لك TBA مش مجرد شركة بتنفذ بروجرام ، هما شباب بنعيش تجربة كلنا سوا و نصيب و نخيب و في الناحيتين اجنا بنتبسط ❤️

Manar Samy

قبل سنة واحدة

احلي الرحلات بتكون معاهم بتتعرف ع ناس تكمل معاك سنين حقيقي احترافية ف التنظيم وزهران وكل التبم معاه مساعدين لاي حد بيطلع معاهم 💖

Fatema Alaa

قبل سنة واحدة

اول مرة أطلع مع TBA انبسطت جدًا بالرحلة و شطارة التنظيم و الدعم الظائم من التيم في حل أي مشكلة و اهتمامهم بكل حد فينا ...شكرًا TBA و اكيد الجاي أكتر♥️♥️♥️

Adel Alaa

قبل سنة واحدة

ترافل باديز مش مجرد شركة بس بتنظم رحلات، دي بتخلق تجارب! من أول لحظة بتحس إنك مع صحابك مش مجرد مجموعة سفر. الناس اللي معاهم من ألطف وأجمل الشخصيات، بيخلوك تحس إنك تعرفهم من زمان حتى لو أول مرة تشارك. كل خروجة أو سفرة معاهم بتبقى مغامرة جديدة، وبتخليك مش عايز تفوت أي حاجة بعد كده. بسببهم بقيت مدمن للرحلات معاهم من كتر ما بيستمتع، وإنها كانت فرصة جميله اتعرف على ناس جديدة شبهي و بقدر اقضي وقت جميل ممتع معاهم من غير تصنع و بحريه باختصار: لو نفسك تسافر، تنبسط، وتتعرف على ناس جديدة شبهك بطريقة ممتعة وآمنة— ترافل باديز هي المكان الصح.