بورسعيد 🚢
، 📍يلا نروح ( بورسعيد ) نقضي يوم رايق و مافيهوش فرهدة كتير 🥳🥳
📆 يوم السبت 14 ديسمبر هنتحرك الساعة 07:30 الصبح ونرجع بالسلامة على 12 بليل بالكتير 🚌
🗺️ هنوصل على مطعم “العيوطي” نفطر و بعدها هنروح نركب المعدية و نتفرج ونأكل طيور النورس لو لاقيناها 🕊️
وبعدها هنوصل بورفؤاد نتصور عند المسجد الكبير ناخد جولة في ڤلل و بيوت هيئة قناة السويس و استراحة انور السادات .
و نروح لحديقة فريال نتصور مع طاحونة الهواء زي اللي في هولندا و نروح لعلوش و الفار نشتري شيكولاتات مستوردة بسعر رخيص كدا
وف الاخر نروح ناكل كاستا ( الاختراع البورسيعدي ) و نطلع نقعد ع البحر و نتمشى لحد الغروب
و في اخر اليوم نروح نتعشى اكلة سمك ع الرايق و بعدها نتجه للقاهرة علطول 🥳
⚠️ وارد بنسبة كبيرة نعمل تغيير في البلان لحاجات جديدة او اماكن جديدة نستكشفها سوا
💸 420 البادجيت الي متوقعين نصرفها في حدود جنيه
✅شاملة الباص بس من وإلى القاهرة
🔢 عددنا محدود، علشان نقدر نتبسط كلنا ونفصل شوية 🙏🏿💓
————————————————
⚠️ وانت بتملأ بياناتك، اتأكد إنك حاطط كل حاجة صح عشان نقدر نوصلك بسهولة.
⚠️ لازم يكون عندك Telegram لأنه وسيلة التواصل الوحيدة معانا، والجروب هيبقى عليه.
⚠️ الناس اللي هنختارها هنبعت لهم رد خلال 24 ساعة.
⚠️ لينك الجروب اللي هيتبعت ليك خاص بيك بس، ومينفعش تبعته لحد تاني غير لما تبلغ الأدمن الأول 😅🙏🏻.
