سلطنة عُمان ~ سويسرا العرب صلاله
اظن جيه ميعاد احسن وقت في السنة عشان نروح سويسرا العرب ” صلاله ” و نزور سلطنة عُمان 
و في عز ما الدنيا بتكون حر هناك سبحان الله بيكون خريف و حتى هما مسمينه خريف صلالة و بيكون في امطار و اجواء تحفة 
و كمان نخطف زيارة سريعة لدبي و ابو ظبي 
مغامرتنا هتكون حوالي 8 ايام و السفر هيكون يوم 25 يوليو و العودة هتكون يوم 1 اغسطس
و في يوم 25 يوليو اجازة رسمية و في جمعة و سبت كمان
-
برنامج الرحلة
-
التأشيرة
-
الطيران
-
الإقامه
📝 بروجرام الرحلة بقا ؟
بكل اختصار البروجرام رايق جداً كله مزارات طبيعية ووسط جبال لونها اخضر في اخضر 🍃⛰️🌿 و انهار و بحيرات و شلالات و هنعمل Hikes فيهم عشان نوصل للاماكن الجامدة هناك ❤️🌿 .
و هنروح اماكن زي ” وادي دربات ، شلال دربات ، عين صحلنوت ،نقطة انعدام الجاذبية عين رزات ، عين حمران ، عين اثوم ، شاطى الدهاريز ، شاطى المغسيل ، كهف المرنيف “
- الاسماء غريبة صح 🤣🤣 بص سيب نفسك و هتتبسط ان شاء الله ❤️
💸 البادجت المتوقع نصرفها في الرحلة :
هتكون في حدود 300$
و دي معناها انها هتكون شاملة
✅ الاقامة داخل شقق فندقية
✅ العربيات البرايڤت
⚠️ دي بادجت تقريبية و ممكن تزيد او تقل بس احنا متوقعين الحدود دي من تجارب ناس سافرت و هنستكشف سوا 🙏❤️
طيب ايه نظام الڤيزا “التاشيرة” ؟
بص يا سيدي فيزا عمان هيا في حدود 1200 ج.م.
و الورق المطلوب
صورة من الـ Passport.
صورة شخصية حديثة.
و هنساعدكم نطلعها ليكم ان شاء الله
و ڤيزا الامارات هتكون Transit
و بنقدم عليها Online و بـ 55 درهم اماراتي .
🛫 طيب بالنسبة للطيران ؟
هيكون في كذا اوبشن كل واحد يختار اللي يريحه واول اوبشن هيكون
1️⃣ السفر هيكون من مطار سفنكس او برج العرب في الاسكندرية ع طيران اقتصادي Wizz Air لابو ظبي و من هناك بناخد طيارة دايركت لمسقط ومن مسقط باص لصلاله تكلفته ( 20$ ) تقريبا .
2️⃣ الاوبشن التاني نفس اللي فوق بس هناخد طياره دايركت من ابوظبي لصلالة
3️⃣ الاوبشن الـ 3 السفر عن طريق ويز اير او اي طيران بس هنرجع من هناك عن طريق طيران فلاي ناس وننزل ترانزيت في السعودية ونعمل عمرة
🧳 بالنسبة للشنط و الوزن :
ع ويز اير التيكت بتكون من غير شنط غير Carry On و لازم تكون Backpack 🎒 و وزنها ميعديش 10 كجم.
و كمان ليها مقاسات معينة 40×30×20
⚠️ بس ممكن تزود وزن و شنطة Trolley عادي بس هتكون بتكلفة اضافية و بتكون غالية شوية .
⚠️ ممكن اي حد يختار الطيران المناسب ليه او التيكت المناسبة براحته جداً ، و المهم ان احنا هنبدا الرحلة في ميعاد معين و لكل واحد الحرية الكاملة 🙏🏻❤️
🏠 الاقامة بقا هتكون فين ؟
الاقامة هتكون في شقق فندقية و بتكون نضيفة جداً و بيكون في شقة للاولاد و شقة للبنات .
🚙 طيب نظام الانتقالات جوة صلالة ؟
هناك نظام مختلفة شوية التحركات دايما بتكون بعربيات في اماكن جبلية و كدا
فـ كل 4 هيكونوا في عربية و في حد مننا هيكون بيسوق 😂 تجربة مختلفة تماماً انك تسوق وسط الطبيعة 🍃.
⚠️ المغامرة استكشافية تماماً مش سياحية ومحتاجة ناس عارفة يعني ايه مغامرة و يكون عندها حب الاسكتشاف و المغامرة في السفر عشان تعرف تنبسط معانا ❤️
🔢 الرحلة دي هناخد معانا 15 شخص بالظبط في 3 منهم حجزوا بالفعل 😂
🌎 لو حابب تيجي معانا وانت من برا مصر او مش مصري فـ ده متاح طبعاً و يا مرحب بيك وتقدر تشارك معانا من أي بلد ونحب وجودك معانا ♥️
⚠️ إحنا بنختار الناس اللي تسافر معانا بدون تحيز لجنسية معينة او لديانة او اي حاجة تماماً بس بنحاول نخلي الجروب يكون شبه بعضه عشان نقدر نندمج مع بعض وتكون مغامرة جميلة 🙏
⚠️ بما أن العدد اللي هيسافر معانا قليل في الاختيار المرة دي هيكون صعب شوية ف نتمنى لو محصلش نصيب محدش يزعل مننا ويبقى ليه فرصة معانا في حاجة تانية اكبر ان شاء الله.
⚠️ و انت بتملى بيانتك اتاكد انك حاطط كل حاجة صح عشان نقدر نوصلك بسهولة
و اتاكد انك عندك برنامج Telegram عشان دا وسيلة تواصلنا الوحيدة و الجروب هيتعمل عليه
⚠️ الناس اللي هنختارها تيجي معانا هنرد عليهم بايميل في خلال 24 ساعة .
🔗 لينك الفورم
شيلنا الفورم العدد اكتمل 🙏🏻
وتفاصيل الرحلة بالظبط هتكون على جروب التليجرام للي هيطلعوا معانا إن شاء الله، أحنا بنأخد عدد محدود علشان نقدر نندمج كلنا ونستمتع سوا ❤
🔵 بعد ما بتسجل بيجيلك 2 ايميل ، الاول بيكون محتواه ” شكراً انك سجلت ” و دا عشان يتاكدلك ان الفورم بتاعتك وصلتنا 🙏🏻
الايميل التاني بيكون فيه لينك الجروب للي اتقبلوا معانا او اعتذار عن الاوتنج .
⚠️ لينك الجروب اللي بيتبعت ليك دا خاص بيك بس مينفعش نبعته لاي حد تاني سواء مسجل اسمه معاك او لا غير لما تبلغ الادمن الاول 😅🙏🏻
