المغرب Morocco 🇲🇦 – عيد الأضحى 2025
📅 عيد الأضحى: من 4 يونيو إلى 14 يونيو 2025
لو فاتتك الرحلة دي، لسه عندك فرصة تعيش التجربة المجنونة دي! 😍
📌 جاهز لرحلة العمر في المغرب؟ 🇲🇦
9 أيام مليانين مغامرات واستكشاف 🔥 وهنخرب الدنيا هناك.
🎯 الرحلة دي معمولة للناس اللي بتحب الحركة والأكشن! مش هتلاقي حد يعمل البرنامج الخطير ده في المغرب غير Travel Buddies بالعربي.
-
برنامج الرحلة
-
التأشيرة
-
الطيران
-
الإقامه والانتقالات
🗓️ مدة الرحلة هتكون 9 أيام كاملة
📆 رحلتنا هتبدأ من 4 يونيو إلى 14 يونيو 2025
• 🛬 التحرك والعودة من مطار برج العرب في إسكندرية
🗺️ بما إننا بقينا خلاص خبرة في المغرب، المرة دي عاملين route تحفة:
📍 المدن اللي هنلف فيها:
• الدار البيضاء (كازبلانكا)
• مراكش (المدينة الحمراء)
• الرباط
• فاس
• شفشاون: المدينة الزرقاء 💙
• أقشور: شلالات وهايك مجنون
• سيتي فاطمة وجبال الأطلس
• طنجة: ملتقى البحرين 😍
• ولو الوقت كفا هنزور كمان: إفران وتطوان 🙏
🎟️ إيه اللي مستنيك؟ (كل دا من ضمن البادچت):
• حديقة ماجوريل: جمال طبيعي وشوية صور خطيرة 🌿
• مدرسة بن يوسف 🕌
• قصر الباهية: هتنبهروا بجمال العمارة 🏰
• القصر الملكي في الرباط
• شلالات أقشور: هايك مش هتبقى عاوز تخلصه من حلاوته 🥾🌊
• هنجرب أطول zipline في أفريقيا 🧗♂️
• وطبعا هنجرب الأكل المغربي وبالأخص عشاء مغربي خرافي في رياض 🍽️
🪪 الڤيزا في حدود 1000 ج.م.
بتاخد في حدود من شهر لـ 45 يوم.
ودي بتدفعها بعد ماتستلم الفيزا، ومش لازم يكون عندك كشف حساب كبير أو يكون باسبورك مليان سفريات
🛂 جهزوا باسبورتكم وأحنا هنساعدكم في تجهيز الورق
🚨لو معاك ڤيزا (شينجن أو أمريكا أو إنجلترا) سارية تقدر تاخد الفيزا أونلاين ومش هتحتاج تروح تقدم
🛫 الطيران:
✈️ • من برج العرب: حوالي 11,000 جنيه
• من القاهرة: حوالي 22,000 جنيه
⚠️ على حسب وقت نزول البوست وارد سعر التيكت يتغير يزيد أو يقل شوية
⚠️ كل ما تحجز بدري، كل ما توفر أكتر!
🧳 الوزن ع الرحلة دي بيكون 30 كيلو و7 في الطيارة فوق (مش هتحتاجوا أكتر من كده خالص)
🏠 الإقامة:
💸الإقامة بتكون في أماكن متوسطة ما بين فنادق 3 نجوم أو أماكن بيسموها “رياض” وبتكون على الطراز المغربي بس طبعاً بتكون نضيفة جداً ومُرتبة.
🚍 المواصلات:
هيبقى في باص من القاهرة للمطار والعكس،
وفي المغرب هيكون معانا باص خاص بينا حديث ومريح طول الوقت.
💸 البادچت :
700$ + سعر الطيران
• 700 دولار شاملة الإقامة والتنقلات وكل الأنشطة وتذاكر دخول الأماكن.
🎯 ليه الرحلة دي مميزة معانا؟
📍 كل المزارات والأنشطة اللي في البرنامج بتكون من ضمن البادچت!
📍 بيكون معانا جايد مغربي هيفهمك كل حاجة عن تاريخ البلد.
📍 البرنامج دسم جدًا.. كله حركة، ومش هيبقى فيه دقيقة ملل هتلف المغرب حرفيا!
📍 الحمدلله دي هتبقى المره الخامسة لينا ف احنا متأكدين من كل حاجة في البلان 🙏
🔢 عددنا :
هيكون 12-15 علشان نعرف نحتوي بعض كده وننبسط كلنا، أنت وحظك بقى يا تلحقنا يا متلحقناش 🏃🏿♂️🤷🏿♂️ بناخد عدد محدود علشان نقدر نندمج كلنا ونستمتع سوا ❤️
🦸 مهم جداً تكون فاهم فكرة الجروب وإننا بنتعامل كأصحاب طول الوقت.
ممكن تشوف الستوريز بتاعت رحلاتنا اللي فاتت على الإنستجرام في الـ highlights.
⚠️ وتفاصيل الرحلة بالظبط هتكون على جروب التليجرام للي هيطلعوا معانا إن شاء الله.
وارد جداً يحصل أي تغيير في التواريخ أو البادچيت أو البلان في أي وقت بس بيكون بالتنسيق معاكم على جروب التيليجرام الخاص بالرحلة.
⚠️ وأنت بتملى بيانتك، تأكد أنك كاتب كل البيانات صح علشان نقدر نوصلك بسهولة، وكمان تأكد أنك عندك برنامج Telegram علشان ده وسيلة تواصلنا الوحيدة وجروب الرحلة هيتعمل عليه.
⚠️ الناس اللي هنختارها تيجي معانا هنرد عليهم بإيميل فيه لينك جروب التليجرام في أسرع وقت.
🎒 المغرب مستنياك.. مستعد للانطلاق؟ 🇲🇦🔥
