المغرب 5 🇲🇦 عيد الفطر 2025 ✈️
📌 عيد الفطر في المغرب 🇲🇦! جاهز للرحلة الجامدة؟
هنقضي عيد الفطر السنادي معاكم في المغرب! 😍
9 أيام مليانين مغامرات واستكشاف 🔥 وهنخرب الدنيا هناك.
🎯 الرحلة دي معمولة للناس اللي بتحب الحركة والأكشن! مش هتلاقي حد يعمل البرنامج الخطير ده في المغرب غير Travel Buddies بالعربي.
-
برنامج الرحلة
-
التأشيرة
-
الطيران
-
الإقامه والانتقالات
🗓️ مدة الرحلة هتكون 9 أيام
🛫 تفاصيل الرحلة:
- ✈️ السفر: الجمعة 28 مارس 2025 🎉
- 🎟️ الرجوع: السبت 5 أبريل 2025
- ⏳ المدة: 9 أيام كاملة
- 🛬 التحرك والعودة من مطار برج العرب في إسكندرية
🗺️ بما إننا بقينا خلاص خبرة في المغرب المرة دي عاملين route تحفة
📍المدن اللي هنلف فيها:
•الدار البيضاء ( كازبلانكا)
•مراكش (المدينة الحمراء)
- الرباط
- فاس
- شفشاون: المدينة الزرقاء 💙
•أقشور: شلالات وهايك مجنون - سيتي فاطمة وجبال الأطلس
- طنجة: ملتقى البحرين 😍
•ولو الوقت كفا هنزور كمان: إفران وتطوان🙏
🎟️ إيه اللي مستنيك؟ (كل دا من ضمن البادچت):
- حديقة ماجوريل: جمال طبيعي وشوية صور خطيرة 🌿
•مدرسة بن يوسف 🕌
•قصر الباهية: هتنبهروا بجمال العمارة 🏰 - القصر الملكي في الرباط
- شلالات أقشور: هايك مش هتبقى عاوز تخلصه من حلاوته 🥾🌊
•هنجرب أطول zipline في أفريقيا 🧗♂️ - وطبعا هنجرب الأكل المغربي وبالأخص عشاء مغربي خرافي في رياض 🍽️
🪪 الڤيزا في حدود 1000 ج.م.
بتاخد من شهر لـ 45 يوم.🪪 وهي في حدود 1000 ج.م. ودي بتدفعها بعد ما تستلم الفيزا، ومش لازم يكون عندك كشف حساب كبير أو يكون باسبورك مليان سفريات.
🛂 جهزوا باسبورتكم وأحنا هنساعدكم في تجهيز الورق
🚨لو معاك ڤيزا (شينجن أو أمريكا أو إنجلترا) سارية تقدر تاخد الفيزا أونلاين ومش هتحتاج تروح تقدم.
🛫 الطيران:
• من برج العرب: حوالي 11,000 جنيه
• من القاهرة: حوالي 22,000 جنيه
⚠️ كل ما تحجز بدري، كل ما توفر أكتر!
🧳 الوزن ع الرحلة دي بيكون 30 كيلو و7 في الطيارة فوق (مش هتحتاجوا أكتر من كده خالص)
🏠 الإقامة:
💸 الإقامة والإنتقالات داخل المغرب هيكونوا في حدود 700$، ولازم يكونوا دولار أو ما يعادل باليورو وكاش طبعاً
🏠 الإقامة بتكون في أماكن متوسطة ما بين فنادق 3 نجوم أو أماكن بيسموها “رياض” وبتكون على الطراز المغربي بس طبعاً بتكون نضيفة جداً ومُرتبة
🛒🫕 الشوبينج والأكل دول بيكونوا على حسب مصاريف كل شخص
💰 يعني البادجيت إقامة وطيران وإنتقالات هناك وفيزا هتكون 700$ + الطيران
🎯 ليه الرحلة دي مميزة معانا؟
📍 كل المزارات والأنشطة اللي في البرنامج بتكون من ضمن البادچت!
📍بيكون معانا جايد مغربي هيفهمك كل حاجة عن تاريخ البلد.
📍البرنامج دسم جدًا.. كله حركة، ومش هيبقى فيه دقيقة ملل هتلف المغرب حرفيا !
📍 الحمدلله دي هتبقى المره الخامسة لينا ف احنا متأكدين من كل حاجة في البلان 🙏
🔢 عددنا هيكون 12-15 علشان نعرف نحتوي بعض كده وننبسط كلنا، أنت وحظك بقى يا تلحقنا يا متلحقناش 🏃🏿♂️🤷🏿♂️ أحنا بنأخد عدد محدود علشان نقدر نندمج كلنا ونستمتع سوا ❤️
🦸 مهم جداً تكون فاهم فكرة الجروب وأن أحنا بنتعامل أصحاب طول الوقت وممكن تحاول تشوف ال stories بتاعت رحلاتنا اللي فاتت على الإنستجرام في الhighlights
⚠️ وتفاصيل الرحلة بالظبط هتكون على جروب التليجرام للي هيطلعوا معانا إن شاء الله. وارد جداً يحصل أي تغيير في التواريخ أو البادجيت أو البلان في أي وقت بس بيكون بالتنسيق معاكم على جروب التيليجرام الخاص بالرحلة.
⚠️ وأنت بتملى بيانتك أتاكد أنك كاتب كل البيانات صح علشان نقدر نوصلك بسهولة، وكمان أتاكد أنك عندك برنامج Telegram علشان ده وسيلة تواصلنا الوحيدة وجروب الرحلة هيتعمل عليه
⚠️ الناس اللي هنختارها تيجي معانا هنرد عليهم بإيميل فيه لينك جروب التليجرام في أسرع وقت
🔵 بعد ما بتسجل بيجيلك 2 إيميل، الأول مُحتواه “شكراً أنك سجلت” وده علشانعشان يتأكدلك أن الفورم بتاعتك وصلتنا 🤝🏿 والإيميل التاني بيكون فيه لينك الجروب للي أتقبلوا معانا أو أعتذار عن الرحلة.
⚠️ لينك الجروب اللي بيتبعت ليك ده خاص بيك أنت بس، يعني ماينفعش تبعته لأي حد تاني سواء مسجل أسمه معاك في الرحلة أو لا غير لما تبلغ الأدمن الأول 🤝🏿
🎒 عيد الفطر السنة دي هيبقى مختلف جدًا.. المغرب مستنياك! 🇲🇦🔥
