المغرب 🇲🇦 4️⃣ ✈️
📢🎬 كلاكيت رابع مرة مع جروب المتهورين 4 🤸🏻♂️
📌رحلتنا للمرة الرابعة ل”المغرب 🇲🇦” هنطلع أخر شهر نوفمبر، من قبلها بكتير أهوه علشان تلحقوا تقدموا على الفيزا وتحجزوا ونظبط الدنيا 🤛🏿💥🤜🏿🤩
💸 ندخل في المفيد بقى وهي بادجيت الرحلة، وعلشان نكون متفقين أي بادچت رحلة بتبقى متقسمة لكذا حاجة: (الطيران، الفيزا، الإقامة والفنادق، الإنتقالات، الجايد، الشوبينج، الأكل)
-
برنامج الرحلة
-
التأشيرة
-
الطيران
-
الإقامه والانتقالات
🗓️ مدة الرحلة هتكون 10 أيام
📆 رحلتنا هتبدأ من يوم الأربعاء 27 نوفمبر الساعة 1 ونص الظهر من مطار برج العرب
وهنرجع مصر يوم الجمعة 6 ديسمبر الساعة 11 ونص بليل في مطار الأسكندرية
🗺️ بما إننا بقينا خلاص خبرة في المغرب المرة دي عاملين route تحفة هنزور ونستكشف فيها مُدن زي “الدار البيضاء، مراكش، الرباط، فاس، شفشاون، أقشور، طنجة” .. ولو الوقت ظبط معانا ممكن نزور “إفران وتطوان” كمان
📜 تعالوا أحمسكم أكتر وأقولكم على جزء من الأماكن والأكتيڤتيز اللي مينفعش تتفوت هناك وهنروحها كلها إن شاء الله ❤🔥
◽️هنروح أقشور ونشوف شلالاتها وطبيعتها الجميلة 🌊
◽️هنعمل هايك عظيم في اقشور وسط الطبيعة ⛰️
◽️سِتّي فاطمة وجبال الأطلس وفي هايك حلو أوي بردو 🤸🏿♂️
◽️وكمان هنعمل ziplining جامد 🧗🏻
◽️شفشاون الزرقاء والجولة في المدينة القديمة عظيمة 💙
◽️هنعدي على الرباط ونزور القصر الملكي 🏰
◽️هنجرب الأكل المغربي وحلاوتة وطعامتة 😋🥘
🚍 هيكون معانا باص يودينا ويجيبنا من المطار وكمان هيكون معانا في المغرب باص حديث وprivate طول الرحلة
🪪 الڤيزا في حدود 1000 ج.م.
ودي بتدفعها بعد ماتستلم الفيزا، ومش لازم يكون عندك كشف حساب كبير أو يكون باسبورك مليان سفريات
🛂 جهزوا باسبورتكم وأحنا هنساعدكم في تجهيز الورق
🚨لو معاك ڤيزا (شينجن أو أمريكا أو إنجلترا) سارية تقدر تاخد الفيزا أونلاين ومش هتحتاج تروح تقدم
🛫 الطيران:
✈️ هنبدأ بالطيران: التذكرة عاملة 9500 ج.م. من الأسكندرية رايح جاي على طيران AirCairo
⚠️ على حسب وقت نزول البوست وارد سعر التيكت يتغير يزيد أو يقل شوية
🧳 الوزن ع الرحلة دي بيكون 30 كيلو و7 في الطيارة فوق (مش هتحتاجوا أكتر من كده خالص)
🏠 الإقامة:
💸 الإقامة والإنتقالات داخل المغرب هيكونوا في حدود 700$، ولازم يكونوا دولار أو ما يعادل باليورو وكاش طبعاً
🏠 الإقامة بتكون في أماكن متوسطة ما بين فنادق 3 نجوم أو أماكن بيسموها “رياض” وبتكون على الطراز المغربي بس طبعاً بتكون نضيفة جداً ومُرتبة
🛒🫕 الشوبينج والأكل دول بيكونوا على حسب مصاريف كل شخص
💰 يعني البادجيت إقامة وطيران وإنتقالات هناك وفيزا هتكون 700$ و10500 جنية.
🇲🇦 المغرب من البلاد الجميلة اللي فيها تنوع ثقافي وأحنا بنعمل بلان عظيمة مش هتحسوا بالملل دقيقة واحدة في المغامرة دي 😎
🤸🏿♂️ الرحلة دي محتاجة ناس روحهم شباب ويكنوا خُفاف علشان بيبقى كُلها مُغامرات للركب وحركة كتير وفرهدة 💪🏻
🚧 ممنوع الصحاب والشلل علشان أحنا عاوزينك تستكشف نفسك في الرحلة دي وترجع بأصحاب جداد 🤝🏿🤗
🔢 عددنا هيكون 12-15 علشان نعرف نحتوي بعض كده وننبسط كلنا، أنت وحظك بقى يا تلحقنا يا متلحقناش 🏃🏿♂️🤷🏿♂️ أحنا بنأخد عدد محدود علشان نقدر نندمج كلنا ونستمتع سوا ❤️
🦸 مهم جداً تكون فاهم فكرة الجروب وأن أحنا بنتعامل أصحاب طول الوقت وممكن تحاول تشوف الstories بتاعت رحلاتنا اللي فاتت على الإنستجرام في الhighlights
⚠️ وتفاصيل الرحلة بالظبط هتكون على جروب التليجرام للي هيطلعوا معانا إن شاء الله. وارد جداً يحصل أي تغيير في التواريخ أو البادجيت أو البلان في أي وقت بس بيكون بالتنسيق معاكم على جروب التيليجرام الخاص بالرحلة.
⚠️ وأنت بتملى بيانتك أتاكد أنك كاتب كل البيانات صح علشان نقدر نوصلك بسهولة، وكمان أتاكد أنك عندك برنامج Telegram علشان ده وسيلة تواصلنا الوحيدة وجروب الرحلة هيتعمل عليه
⚠️ الناس اللي هنختارها تيجي معانا هنرد عليهم بإيميل فيه لينك جروب التليجرام في أسرع وقت
