📢🎬 كلاكيت تالت مرة مع جروب المتهورين 3 🤸🏻‍♂️

📌رحلتنا للمرة التالتة لـ ” المغرب ” بس المرة دي في عيد الأضحى المبارك
( يعني من قبلها بكتير اهو تلحقوا تقدموا وتحجزوا وتضبطوا حالكم )

بس مينفعش نشوف تيكت رخيصة كده في وسط الاسعار دي ونسيبها تعدي كده مرور الكرام 🙈😂

📆 رحلتنا هتبدأ من يوم الاربعاء 12 يونيو الساعة 8 بليل من مطار برج العرب يعني هنقضي يوم الوقفة و العيد معاهم هناك ❤️
و هنرجع مصر يوم السبت 22 يونيو الساعة 7 الصبح في مطار الاسكندرية .

🗓️ مدة الرحلة هتكون 10 أيام

🗺️ بما إننا بقينا خبرة خلاص في المغرب المرة دي عاملين route تحفة هنزور ونستكشف فيها مُدن أكتر زي ” الدار البيضاء ، مراكش ، الرباط ، فاس ،شفشاون ، أقشور ، طنجة “
ولو الوقت ضبط معانا ممكن نزور ” إفران و تطوان ” كمان .

🕹️ تعالوا أحمسكم أكتر وأقولكم على الأماكن والأكتيڤتيز اللي مينفعش تتفوت هناك وهنروحها كلها إن شاء الله 🥳🥳

◽️شلالات أقشور وهنعمل هايك عظيم هناك ⛰️🌊
◽️سيتي فاطمة وجبال الأطلس وفي هايك حلو أوي بردو 🧗🏻
◽️شفشاون الزرقاء والجولة في المدينة القديمة عظيمة 💙
◽️هنجرب الأكل المغربي وحلاوتة وطعامته 😋🥘

🛫 هنسافر المرة دي من الاسكندرية وهنرجع من هناك برضو بس هيكون معانا باص برايفت من القاهره يودينا ويجبنا 😉🥳

🚍 كمان هيكون معانا في المغرب باص حديث و private طول الرحلة في المغرب
🕵🏻‍♂️ بيكون معانا في أغلب الوقت جايد مغربي بيساعدنا نعرف أكتر عن البلد وتقاليدها وعلشان نقدر نعيشها معاهم 🥰

💸 ندخل في المفيد بقى و هي بادجيت الرحلة، وعشان نكون متفقين أي بادچت رحلة بتبقى متقسمة لكذا حاجة : (الطيران، الفيزا، الأقامة والفنادق، الإنتقالات، الجايد، الشوبينج، الأكل)

✈️ هنبدأ بالطيران: التذكرة عاملة 8500 ج.م. من الاسكندرية رايح جاي على طيران AirCairo
⚠️ على حسب وقت نزول البوست وارد سعر التيكت يتغير يزيد او يقل

🧳 الوزن ع الرحلة دي بيكون 30 كيلو و7 في الطيارة فوق (مش هتحتاجوا أكتر من كده خالص )

🪪 الڤيزا في حدود 1000 ج.م. ودي بتدفعها بعد ماتستلم الفيزا، ومش لازم يكون عندك كشف حساب كبير أو يكون باسبورك مليان سفريات

🛂 جهزوا باسبورتكم وأحنا هنساعدكم في تجهيز الورق
🚨لو معاك ڤيزا (شينجن أو أمريكا أو إنجلترا) سارية تقدر تاخد الفيزا أونلاين ومش هتحتاج تروح تقدم.

🏡 الإقامة والتنقلات والجايد دول هيكونوا في حدود 800$ ( زادت شويه عن اخر رحلة عشان هنكون في العيد فـ الاسعار أغلى شوية ) ولازم يكونوا دولار أو يورو وكاش طبعاً 🙏🏻
🏠 الإقامة بتكون في أماكن متوسطة ما بين فنادق 3 نجوم أو أماكن بيسموها “رياض” وبتكون على الطراز المغربي بس طبعاً بتكون نضيفة جداً ومُرتبة

🛒🫕 الشوبينج والأكل دول بيكونوا ع حسب مصاريف كل شخص لكن الأكل مش هتحتاج في المتوسط أكتر من 100$ غالباً

💰 يعني توتال البادجيت أكل وشرب والأكتيڤتيز وإقامة كل حاجه ويمكن بالشوبينج كمان هتكون في حدود من 1100 دولار

🇲🇦 المغرب من البلاد الجميلة اللي فيها تنوع ثقافي و إحنا بنعمل بلان عظيمة ف مش هتحسوا بالملل دقيقة واحدة في المغامرة دي 🥳❤️

🏃🏻‍♂️ الرحلة دي محتاجة ناس روحهم شباب ويكنوا خُفاف علشان بيبقى كُلها مُغامرات للركب وحركة كتير وفرهدة 💪🏻

🚧 ممنوع الصحاب والشلل علشان أحنا عاوزينك تستكشف نفسك في الرحلة دي 😎

🔢 عددنا هيكون من 12 لـ 15 علشان نعرف نحتوي بعض كده وننبسط كلنا ، أنت وحظك بقى يا تلحقنا يا متلحقناش 🙂🫣