📢 كلاكيت تالت مره 🎬 أكتر بلد تقريبًا بنتسأل عليها بقالنا فترة 😉

لو أنت باسبورك أبيض أو مش بتشتغل أو مش متثبت في شركة أو البادجيت معاك على القد سيكه، أو لو أنت traveler ولفيت العالم كله ولسه مروحتش البلد دي ف أوعدك أنها هتبهرك.. بلد محدش يتخيلها بالجمال ده بس لازم تسافرها مع الناس الصح 😎

مغامرتنا العظيمة لأرض العجائب وسويسرا أسيا الوسطى وبلاد ما وراء النهر

قيرغيزستان 🇰🇬

🪧 أحنا عارفين أنك ممكن ماتعرفش تنطق أسم البلد وممكن ماتكونش سمعت عنها قبل كده بس صدقني لو بتفكر تسافر تستكشف دول جديدة متفوتش السفرية دي، من أحلى البلاد في العالم وفيها سلسلة جبال رهيبة ما شاء الله وسبحان الله جنة الله على الأرض 🏔️ ويُقال والله أعلم أن جوا الجبال اللي موجوده هناك قوم يأجوج ومأجوج اللي هيطلعوا ف أخر الزمان، والجميل أنها بلد بكر لسه مش معروفة أوي للسياحة ف الأسعار فيها منطقية والناس على طبيعتها وحقيقي هتبقى مغامرة مختلفة تماماً من نوعها ✈️😍

مغامرة قيرغيزستان 🇰🇬 (لا تراجع ولا إستسلام 3 🥷⚔️)

البلد دي هنشوف فيها طبيعة عظيمة، جبال من أحلى الجبال في العالم 🏔️ هنعمل activities كتير أوي وكل حاجة ممكن تتخيلها 🤩.. وهيبقى عندنا تجربة رهيبة مع الخيل في الطبيعة 🏇🏻 وهنخيم كمان يوم وسط الطبيعة هناك علشان نختلط بالبلد أكتر 🏕️ طبعاً ده غير الهايك اللي هناك حاجة تانية خالص 🥾🧗🏿‍♂️ وهنركب التيلفريك المفتوح علشان تحس أن أنت طاير وسط الطبيعة فعليًا 🚡 ده غير الزوحليقة اللي أكيد هتتعوروا فيها زي ما أنا أتعورت 🌚🤦🏿‍♂️ وماينفعش نفوت متحف السبع ديانات المفتوح اللي بيجمع بين حضارات وديانات كتير 🕌⛪️🕍🛕 كمان لو قلبك ميت هنخليك تعمل bungee jumping 💪🏿🤸🏿‍♀️

📌 ندخل في المُفيد بقى:
📆 السفر هيكون يوم الثلاثاء 11 يونية، الساعة 7 المغرب.. والعودة يوم السبت 22 يونية، الساعه 7 المغرب بردو (يعني 12 يوم)
🛫 السفر والعودة من مطار سفينكس في القاهرة، والوزن 20 كيلو رايح جاي إن شاء الله 🧳

⚠️ لو حد من برا مصر سواء مصري أو أجنبي وحابب يسافر معانا يقدر يشاركنا ويقابلنا هناك نبدأ الرحلة سوا بس لازم يبلغنا ويملى الفورم طبعاً 🥰
🔢 عددنا هيكون في الأغلب 15 مُغامر علشان نقدر ننسبط كلنا ونلف براحتنا 🤛🏿💥🤜🏿
🏡 الإقامة بتكون في فنادق من أول نجمة ل3 نجوم وشُقق فندقية وhostels والغُرف أحياناً بيكون فيها أكتر من 3 أشخاص 🫱🏿‍🫲🏿

💸 البادجيت اللي متوقعين نصرفها 1000$، حسب مصاريف كل واحد وحسب سعر الطيران في الوقت اللي هنحجز فيه (البادجيت دي بيكون في منها جزء بيتدفع بالمصري وجزء بالدولار)

💵 البادجيت الي متوقعينها دي بتشمل:
✅ الطيران الدولي من القاهرة لقيرغيزستان والعودة للقاهرة (على طيران ويز أير wizz air)
✅ فيزا قيرغيستان
✅ فيزا ترانزيت الإمارات ذهاب وعودة
✅ الأكتفيتيز اللي هنعملها
✅ المواصلات
✅ الإقامة
✅ الأكل والشرب
✅ وكل حاجه حرفياً إن شاء الله مش هتحتاج حاجة زيادة

🪪 الفيزا أونلاين (e-visa) من على موقع السفارة بتاعهم الرسمي ب51.5 دولار، وبتعملها بنفسك أو بنساعدك تعملها لو حابب ومش طالبين أي حاجة منك غير 5 أوراق بس (حجز فندق – الدعوة – حجز طيران – صورة جواز السفر – خطة الرحلة)، وكلهم سهلين جداً 🫶

⚠️ محتاجين نأكد عليكم ونأخد بالنا من كام حاجة بس:

• الرحلة المرة دي هتكون على طيران ويز أير wizz air فلازم نعمل كل الحجوزات من بدري عشان وارد السعر يزيد
• وارد جداً يحصل أي تغيير في المواعيد (يوم بدري أو يوم متأخر بسبب أسعار الطيران)
• أحنا بنسافر كل مرة علشان نروح نستكشف أماكن وحاجات جديدة فلازم يكون عندك تقبل للسفر بالطريقة دي
• الرحلة غير مُناسبة للعائلات أو الأطفال أو كبار السن أو الشباب أو الأصحاب أو غير الأصحاب (أقولك حاجة هي غير مُناسبة عموماً) 🌚😅
• وارد البادجيت تزيد أو تقل لكن بنكون دايما عاملين حسابنا وأحنا بنحدد البادجيت 🔮🧙🏻‍♂️
• أحنا بنختار الناس اللي تسافر معانا بدون أي نوع من أنواع التحيز سواء لنوع أو جنس أو عرق أو ديانة أو أي حاجة تماماً، لكن بنحاول نخلي الجروب يكون شبه بعض علشان نقدر نندمج بسرعة وتكون مُغامرة جميلة نستمتع فيها كلنا سوا ونرجع منها أصحاب ♥️
• لازم علشان تسافر معانا تبقى فاهم فكرة الجروب وأن أحنا بنسافر أصحاب ولو محتاج تاخد لفه في الجروب الأول وتشوف رحلاتنا الي قبل كده هيكون أفضل 🙏🏿

⚠️ وأنت بتملى بيانتك أتاكد أنك كاتب كل بياناتك صح علشان نقدر نتواصل معاك بسهولة، وأتأكد أنك عندك برنامج تليجرام Telegram علشان ده اللي بيكون عليه جروب الإيفنت “الرحلة”
⚠️ الناس اللي هنختارها تيجي معانا هنرد عليهم بإيميل خلال 24 ساعة

🔗 لينك الفورم:
https://tba.eg/trip