​أوتنج دلع بنات 💃🏻

​حبينا ندلع ال girls 💃🏻💃🏻وعملنا أوتنج مخصوص ليهم 🥳🥳

​📌 جيه ميعاد البلبطة و الفصلان للبنات ،هنروح البحر ونعمل تشششش 🏊‍♀️😂  هنروح نقضي يوم رايق ع ” يخت في السخنة ” نفصل شوية 🥳😂

​📆 هنروح يوم السبت 14 سبتمبر الصبح بدري نتحرك و نرجع بليل في حدود 10~ 11 نكون في القاهرة .

​يلا اقولكم تفاصيل اليوم عشان تعرفوا هنعمل ايه 😂

​📌هنقضي Dayuse علي اليخت و ننزل الميه نعوم ونبلبط 🙈🏖 و اللي مش بتعرف تعوم هيكون في لايف چاكيت يعني هتعوم هتعوم 🌊🌊😅

​📌 هنلعب ونهزر ونغني ونعمل قعدتنا الحلوة ونشم هوا حلو كده بعيد عن الزحمة ونتصور كمان 📸 فاللي بتحب التصوير ممكن تجيب الكاميرا بتاعتها

​📌و اللي بتحب الصيد 🎣🎣هتقدري تأجري سنارة و تصطادي و كمان ممكن نشوي و ناكل علي اليخت و هناكل معاكم كدا كدا 😂

​📌وبعدها هننزل نتغدي🍗🍕🍟 في ممشي بورتو السخنه في مطاعم كتير حلوه هناك ونحلي ب آيس كريييييييم🍦🍦 في اخر يومنا

​ــــــــــــــــــــــــــــــــــــــــــــــــــــــــــــــــــــــ

​💸 البادچت المتوقع نصرفها هتكون في حدود 1150 ج.م

​⚠️ البادچت دي بتكون شاملة الباص واليخت وتذاكر حرس الحدود .

​🔢 هناخد 25 بنوته بس في الـ Outing عشان نعرف نستمتع كلنا ❤️🔥

​⚠️طبعا الأدمنز في اليوم دا بنات كمان 🤩🥳

​⚠️ و انت بتملى بيانتك اتاكد انك حاطط كل حاجة صح عشان نقدر نوصلك بسهولة

​و اتاكد انك عندك برنامج Telegram عشان دا وسيلة تواصلنا الوحيدة و الجروب هيتعمل عليه

​⚠️ الناس اللي هنختارها تيجي معانا هنرد عليهم بايميل في خلال 24 ساعة .

​وتفاصيل الاوتنج بالظبط هتكون على جروب التليجرام للي هيطلعوا معانا إن شاء الله، أحنا بنأخد عدد محدود علشان نقدر نندمج كلنا ونستمتع سوا ❤

​🔵 بعد ما بتسجل بيجيلك 2 ايميل ، الاول بيكون محتواه ” شكراً انك سجلت ” و دا عشان يتاكدلك ان الفورم بتاعتك وصلتنا 🙏🏻

​الايميل التاني بيكون فيه لينك الجروب للي اتقبلوا معانا او اعتذار عن الاوتنج .

​⚠️ لينك الجروب اللي بيتبعت ليك دا خاص بيك بس مينفعش نبعته لاي حد تاني سواء مسجل اسمه معاك او لا  غير لما تبلغ الادمن الاول