رحلتنا لواحة سيوة  هتكون 4 أيام-3 ليالي هنعمل فيهم كل حاجة ممكن تتعمل في سيوة 
 هنتحرك يوم الخميس ١٦ – ٣ – ٢٠٢٣ بليل ونوصل القاهره يوم الثلاثاء ٢١ – ٣ – ٢٠٢٣ الصبح بدري.
 هيكون معانا باص من أول الرحلة لأخرها.
 إقامتنا هتكون في كامب علي خالد في غُرف مُكيفة بحمام داخلي (في الأغلب هتكون غُرف تربيلات).
 هنروح فيها كل المزارات اللي مُمكن تتراح في سيوة زي؛ جبل الموتى، جبل الدكرور، قلعة شالي، معبد التنبؤات المعروف بمعبد وحي آمون وهنزور مكان تتويج الإسكندر الأكبر فيه، البيت السيوي، البحيرات المالحة ، كهف الملح ، عين كيلوباترا “چوبا”، عين المياة الكبريتية الساخنة والباردة في كامب علي خالد، هنشوف الغروب من جزيرة فطناس، سفاري بحر الرمال الأعظم وهنسهر في الصحراء، كهف الملح، رايد عجل نلف فيها سيوة.
و في اخر يوم في الرحلة هنعدي علي مطروح نريح من نص المشوار و نتمشى ع البحر و ناكل ايس كريم و نتعشى و بعدها نكمل طريقنا للقاهرة
 البادچت المُتوقع نصرفها في الرحلة في رينج 3500 ل 4000 جنية شاملة الإنتقالات والإقامة والمزارات والأكل والأكتيفيتيز كُلها منها سفاري بحر الرمال الأعظم وكل حاجة تقريباً 

 إحنا مش شركة سياحة احنا بنسافر وبنرجع بـ اصحاب واخوات جداد 
 بعد مابتسجل في الفورم وخلال 48 ساعة هنختار الناس اللي تيجي معانا وندخلكوا على جروب تيليجرام عشان تبدأ تدفع الـ Deposit وبعدها يبقى انت كده معانا خلاص .
العدد هيكون 25 بس في الرحلة .