أسوان والنوبة 🔻🔺
📌 قررنا نختم السيزون بأحلى الأماكن اللي ممكن تتراح في مصر في التوقيت ده من السنة وهي النوبة وأسوان بلاد الدهب ♥️
~~~~~~~~~~~~~~~~~~~~~~~~~~
📆 أولاً السفر هيكون يوم 1 مارس 2024
من مطار القاهرة وهنوصل اسوان الساعة 6 مساءاً في نفس اليوم ان شاء الله .
🔵 و الرجوع هنتحرك من أسوان يوم الاتنين 4 مارس2024 بقطار التالجو السريع نوصل القاهرة الثلاثاء ٥ مارس الساعة ٧ صباحا
~~~~~~~~~~~~~~~~~~
🏠 اقامتنا هتكون في بيت نوبي ف قلب النوبة حرفياً بجزيرة غرب سهيل
و اسمه ” ماليندي كا – Malindy Ka ”
و الـ Rate بتاعه ع جوجل 5.0
⚠️ الاقامة بتكون كلها غرف تريبل
و ممكن يكون في غرف دبل بس بسعر إضافي
~~~~~~~~~~~~~~~~~~
📝 بالنسبة للبروجرام بقا
هنعمل كل حاجة ممكن تتعمل في اسوان و هقولكم زي ايه
” الحفلة و الزفة النوبي ، جزر اسوان زي ” شط البربر ، مافيا ، اسوان ، النباتات ” ، لوحة المجاعة ، بيت محمد منير ، فند دق الـ Old Cataract ، قبة ابو الهوا و مقابر النبلاء ، معبد فيله ، جزيرة هيسا ، جزيرة تنجار ، السد العالي ، نعمل كايك في النيل ، سوق اسوان و النوبة “
⚠️أحتمال كبير نروح معبد أبو سمبل و بنسق ونخلي عربية تودينا وتجبنا بس ده مش اكيد لسه لانه بعيد شوية .~~~~~~~~~~~~~~~~~
🏠 اقامتنا
💸 البادجت اللي متوقعي نصرفها في الرحلة دي في حدود 5000 لـ 6000 ج.م.
⚠️ و معنى بالبادجت هنا يعني شاملة ” تيكت الطيران من القاهرة لاسوان ، العودة بالقطار التالجو او الباص ، الاقامة في البيت النوبي ، الوجبات طول مدة الرحلة ، الانتقالات داخل اسوان ، تذاكر دخول الاماكن الاثرية ، الاكتيفتي في اسوان ، الفالوكة ”
يعني كل حاجة تقريباً ♥️
و كمان لو حد مش حابب يعمل حاجة معينة او يوفر شوية من البادجت بتاعته مفيش اي مشكلة
سواء في طريقة السفر بالطيران او القطار او اثناء الرحلة و الاكتيفتي .
~~~~~~~~~~~~~~~~~~
🔢 الرحلة دي هناخد 20 شخص معانا بس 🙏🏻
⚠️ و انت بتملى بيانتك اتاكد انك حاطط كل حاجة صح عشان نقدر نوصلك بسهولة
و اتاكد انك عندك برنامج Telegram عشان دا وسيلة تواصلنا الوحيدة و الجروب هيتعمل عليه
⚠️ الناس اللي هنختارها تيجي معانا هنرد عليهم بايميل في خلال 24 ساعة .
وتفاصيل الرحلة بالظبط هتكون على جروب التليجرام للي هيطلعوا معانا إن شاء الله، أحنا بنأخد عدد محدود علشان نقدر نندمج كلنا ونستمتع سوا ❤️
🔵 بعد ما بتسجل بيجيلك 2 ايميل ، الاول بيكون محتواه ” شكراً انك سجلت ” و دا عشان يتاكدلك ان الفورم بتاعتك وصلتنا 🙏🏻
الايميل التاني بيكون فيه لينك الجروب للي اتقبلوا معانا او اعتذار عن الاوتنج .
⚠️ لينك الجروب اللي بيتبعت ليك دا خاص بيك بس مينفعش نبعته لاي حد تاني سواء مسجل اسمه معاك او لا غير لما تبلغ الادمن الاول 😅🙏🏻
