⛴️ بورسعيد PortSaid✨⚓
يلا بينا نروح ( بورسعيد ) نقضي يوم رايق و مافيهوش فرهدة كتير 🥳🥳
📆 يوم السبت الجاي 27 مايو هنتحرك الساعة 07:30 الصبح ونرجع بالسلامة على 12 بليل بالكتير 🚌
🗺 هنوصل على مطعم “العيوطي” نفطر و بعدها هنروح نركب المعدية و نتفرج ونأكل طيور النورس لو لاقيناها 🕊
وبعدها هنوصل بورفؤاد و ناخد جولة في ڤلل و بيوت هيئة قناة السويس و استراحة انور السادات
و نروح لحديقة فريال نتصور مع طاحونة الهواء زي اللي في هولندا و نروح لعلوش و الفار نشتري شيكولاتات مستوردة بسعر رخيص كدا
وف الاخر نروح ناكل كاستا ( الاختراع البورسيعدي ) و نطلع نقعد ع البحر و نتمشى لحد الغروب
و في اخر اليوم نروح نتعشى اكلة سمك ع الرايق و بعدها نتجه للقاهرة علطول 🥳
💸 البادجيت الي متوقعين نصرفها في حدود 500 ~ 700 ج “الباص ، فطار، اكلة السمك وبردو كل واحد حسب مصاريفه ( ما عدا الشوبينج 🙆🏻♂😂 )
🔢 مش هنقدر ناخد أكتر من 20 إن شاء الله، علشان نقدر نتبسط كلنا ونفصل شوية 🙏🏿💓
