الـ Outing الروقااااان وصل يا حارة 

يمكن ده اكتر مكان احنا بنحب نروحه عشان نفصل من التوتر والقلق بتاع الشغل طول الاسبوع إذا مكنش توتر السنه كلها ، عندنا طلعة كدا جميلة وسط الريف و نبعد شوية عن دوشة المدينة لمزرعتنا المفضلة Organic farm يوم السبت الجاي 24-6

هنبدأ يومنا بالـ Welcome Drink كوباية لبن جاموسي فريش كامل الدسم تستاهل بوقك
و نبدا الفطار الفلاحي علطول بقا ” فطير مشلتت ، عيش بلدي ، عسل ابيض ، عسل اسود ، جبنة قريش ، جبنة قديمة ، قشطة ، طحينة ” 

وبعدها هنقضي اليوم كله وسط الطبيعة نتعرف على اشكال وانواع الخضروات والفاكهة 
و كمان لاول مرة هنجمع محصول العنب بايدينا و نساعد الفلاحين و هيا بتجمعه

وكمان هنشوف الطيور الريفية ونستمتع بالغروب وكل ده من جوه المزرعة .

وطبعًا اهم فقرة في اليوم هي الغداء اللي هيكون عبارة عن
” شوربة لسان عصفور ، طاجن رز معمر ، طاجن خضار باللحم البلدي ، محشي مشكل ، عيش بلدي ، سلطة بلدي ، سلطة حمرا ، مخلل ، طحينة “
مش بس كدا لا واختار بقي من دول كمان صنف واحد ( نص فراخ مشوية ، نص فرخه بلدي محمر  ،او ربع بطه  ،او جوز حمام بلدي ،او جوز حمام بري ،او جوز سمان )

 المشروبات Free طول اليوم
” مياه معدنية ، قهوة ، شاي ، مشروبات ساخنة ” 

 الـ Outing هيكون يوم السبت 24/6/2023

 هنبدأ يومنا ونتحرك من القاهرة الساعة 8 الصبح ويومنا يخلص على الساعه 11 نكون في القاهرة ان شاء الله.

مكان المزرعة في قرية النوبارية على طريق مصر- اسكندرية الصحراوي.
 التحرك هيكون من القاهرة من رمسيس ( المستشفى القبطي )
 بادچيت اليوم هتكون في حدود 800~850 جنيه بالمواصلات من القاهرة

 لو حابب تيجي بعربيتك تقدر تسجل معانا وتيجي على المكان علطول
 ممكن يبقى في باص من الاسكندرية لو في عدد حابب يجي من هناك .
 مينفعش تيجي اليوم ده من غير ماتكون حاجز معانا لان العدد بيكون محدود.