مغامرة قيرغيزستان 🇰🇬 4️⃣
📍جاهزين لمغامرة أرض العجائب وسويسرا وسط أسيا وبلاد ما وراء النهر والجنة المفقودة، (قيرغيزستان 4️⃣🇰🇬⛰️🏕️)
البلد دي هتنبهروا بيها بشكل مش طبيعي، حقيقي بلد ماحدش يتخيلها بالجمال ده بس لازم تسافرها مع الناس الصح علشان تلف كل جزء فيها 😎مغامرتنا العظيمة لأرض العجائب وسويسرا أسيا الوسطى وبلاد ما وراء النهر
قيرغيزستان 🇰🇬
🪧 أحنا عارفين أنك ممكن ماتعرفش تنطق أسم البلد وممكن ماتكونش سمعت عنها قبل كده بس صدقني لو بتفكر تسافر تستكشف دول جديدة متفوتش السفرية دي، من أحلى البلاد في العالم وفيها سلاسل جبال رهيبة، ما شاء الله وسبحان الله جنة الله على الأرض 🏔️ ويُقال والله أعلم أن جوا الجبال اللي موجوده هناك قوم يأجوج ومأجوج اللي هيطلعوا ف أخر الزمان، والجميل أنها بلد بكر لسه مش معروفة أوي للسياحة ف الأسعار فيها منطقية والناس على طبيعتها وحقيقي هتبقى مغامرة مختلفة تماماً من نوعها ✈️😍
البلد دي هنشوف فيها طبيعة عظيمة، جبال من أحلى الجبال في العالم 🏔️ هنعمل activities كتير أوي وكل حاجة ممكن تتخيلها 🤩.. وهيبقى عندنا تجربة رهيبة مع الخيل في الطبيعة 🏇🏻 وهنبات وسط الطبيعة هناك علشان نختلط بالبلد أكتر 🏕️ طبعاً ده غير الهايك اللي هناك حاجة تانية خالص 🥾🧗🏿♂️ وهنركب التيلفريك المفتوح علشان تحس أن أنت طاير وسط الطبيعة فعليًا 🚡 ده غير الزوحليقة اللي أكيد هتتعوروا فيها زي ما أنا أتعورت 🌚🤦🏿♂️ وماينفعش نفوت متحف السبع ديانات المفتوح اللي بيجمع بين حضارات وديانات كتير 🕌⛪️🕍🛕 كمان لو قلبك ميت هنخليك تعمل bungee jumping 💪🏿🤸🏿♀️
-
برنامج الرحلة
-
التأشيرة
-
الطيران
-
الإقامه والبادجيت
📌 ندخل في المُفيد بقى:
📆 السفر هيكون يوم الخميس 19 سبتمبر، الساعة 12 الظهر من مطار القاهرة
📆 والعودة يوم الأثنين 30 سبتمبر، الساعة 11 ونص الصبح نوصل مطار القاهرة
(يعني 12 يوم من الدلع والروقان والمغامرات 😌)
🧳 لا ومش بس كده أحنا مدلعينكم وهيكون معانا شنطتين (مجموعهم 30 كيلو) رايح جاي إن شاء الله يعني متحملش هم الشوبينج بالذات المكسرات، مش هتحتاج أكتر من كده ده غير الcarry on 😉
⚠️ لو حد من برا مصر سواء مصري أو أجنبي وحابب يسافر معانا يقدر يشاركنا ويقابلنا هناك نبدأ الرحلة سوا بس لازم يبلغنا ويملى الفورم طبعاً 🫱🏿🫲🏿🥰
🔢 عددنا هيكون في الأغلب 15 مُغامر ف يادوب تلحق تسجل وتلحق مكانك 🤛🏿💥🤜🏿
🪪 الفيزا:
الفيزا أونلاين (e-visa) من على موقع السفارة بتاعهم الرسمي ب51.5 دولار
وبتعملها بنفسك ومش طالبين أي حاجة منك غير 5 أوراق بس (حجز فندق – الدعوة – حجز طيران – صورة جواز السفر – خطة الرحلة)، وكلهم سهلين جداً 🫶 لو حابب نساعدك بتدفع مبلغ بسيط زياده وأحنا بنعملك الفيزا كمان
✈️الطيران: في 2 options;
1️⃣ أنك تحجز من على WizzAir بنفسك، تكلفتها تقريباً 13800 جنية، بس محتاج تأخد بالك من كذا نقطة موضحة في الصورة.
2️⃣ لو حد هيسافر معانا من مصر، هيبقى سعر التذكرة 28500 جنية
✅ الطيران الدولي من القاهرة لقيرغيزستان والعودة للقاهرة (مطار القاهرة) ترانزيت الكويت
✅ شنطتين (مجموعهم 30 كيلو) وشنطة كمان 7 كيلو على الطيارة (مش هتحتاج أكتر من كده)
✅ مش هتحتاج فيزا للترانزيت ولا أي فلوس زياده عن المبلغ ده
✅من حقك لاقدر الله لو الفيزا أترفضت أو وفي خلال أسبوع من حجزك معانا أنك تلغي وبيكون في غرامة بسيطة تقريباً 2000 جنية
🏡 الإقامة بتكون في فنادق من أول نجمة ل3 نجوم وشُقق فندقية وخيم في الطبيعة وأحياناً هوستيلز بس نضيفة جداً وبتكون أحسن وأغلى من الفندق والغُرف أحياناً بيكون فيها أكتر من 3 أشخاص 🫱🏿🫲🏿
💸 بادجيت الرحلة:
600$
ودي بتشمل:
✅ الإقامة طول مدة الرحلة (11) ليلة
✅ المواصلات والإنتقالات طول الرحلة (من المطار للمطا )
✅ الدعوة للفيزا
✅ جايد من هناك طول الرحلة (ده غير الأدمن اللي بيكون معاكم من مصر)
✅ كل المزارات اللي في الطبيعة
✅ كل التذاكر والتصاريح
❌ الأكتفيتي اللي ليها رسوم لوحدها
❌ الأكل
⚠️ محتاجين نأكد عليكم ونأخد بالنا من كام حاجة بس:
- أحنا بنسافر كل مرة علشان نروح نستكشف أماكن وحاجات جديدة فلازم يكون عندك تقبل للسفر بالطريقة دي
- الرحلة غير مُناسبة للعائلات أو الأطفال أو كبار السن أو الشباب أو الأصحاب أو غير الأصحاب (أقولك حاجة هي غير مُناسبة عموماً) 🌚😅
- أحنا بنختار الناس اللي تسافر معانا بدون أي نوع من أنواع التحيز سواء لنوع أو جنس أو عرق أو ديانة أو أي حاجة تماماً، لكن بنحاول نخلي الجروب يكون شبه بعض ونكمل بعض بردو علشان نقدر نندمج بسرعة وتكون مُغامرة جميلة نستمتع فيها كلنا سوا ونرجع منها أصحاب ♥️
🔗 لينك الفورم:
https://tba.eg/trip
