نيجي بقى للمُفاجاة دي والرحلة الي ناس كتير طلبتها مننا مع إننا مكوناش مقتنعين بيها أوي

لا تقولي بقى الساحل الطيب ولا الشرير، يلا بينا نروح نستكشف ساحل الغلابة “مرسى مطروح”

📆 هنروح يوم الخميس بليل (24 أغسطس) ونرجع يوم الأتنين بليل (28 أغسطس).

الرحلة دي هتكون إستكشافية تماماً وأول مرة نروح مطروح نستكشف شواطئها وكهوفها وخبايها (علشان تكونوا عارفين أن أحنا كلنا بنستكشف سوا لأول مرة وهنخوض المُغامرة سوا فـ أحنا مع بعض ع الحلوة و المرة 😂 وإن شاء الله تبقي رحلة حلوة بيكم كالعادة ❤️).

الرحلة هتكون ميكس من الفرهدة والروقان والدلع وكل الي نفسكم فيه 🪄 وهيبقي هدفنا كل يوم نروح شاطئ جديد ننزل نبلبط فيه ونروح أماكن رايقة أوي نتصور فيها لزوم تغيير صورة البروفايل 😉

🗺️ بالنسبة للبروجرام بقى هنقولكم الأماكن الي هنروحها سريعاً ووارد أي مكان من دول يتغير ويتحط مكانه مكان تاني ودايما البروجرام بنحاول نظبطه للأحسن (عجيبة، أم الرخم، عقر الخادم، باجوش، سيدي حنيش، حمامات كليوباترا، اللاجونا، الأبيض، كهوف العاصي، رأس أبو لهو، العوام). وفي حاجات كتير إن شاء الله هنعملها سوا في الرحلة 🤩
💭 أحنا أول مرة نروح هناك، وارد برضو يحصل تغيير في الأماكن أو البلان.

💸 البادچت المبدئية المتوقع نصرفها هتكون في رينج من 3500 لـ4500، ودي بتكون شاملة الإقامة والباص طوال الرحلة وتيكيتات الدخول والأكل والشرب طول المدة.

⚠️ الطلعة دي إستكشافية وعايزة ناس بتحب الإستكشاف والمغامرة مش من بتوع الفنادق 😅🤷🏿‍♂️