علشان في ناس كتير عاوزة نكرر مرسى علم تاني قولنا يلا بينا و كمان في اجمل وقت ليها في السنة والحمدلله دي من احلى الرحلات اللي بنعملها و متميزين فيها واللي انتوا بتحبوها و قررنا نكررها تاني عشان خاطركم 
و كمان احنا غيرنا ميعادها و خليناه في اجازة المولد النبوي عشان نستفاد بالاجازة صح .

ودي هتكون الرحلة رقم 8 لينا لـ مرسى علم والقصير رحلتنا هتبتدي من اول يوم الاربعاء بليل 27 سبتمبر لحد يوم الاتنين الصبح بدري 
الخميس و الجمعة و السبت اجازة يعني هنحتاج يوم واحد بس اجازة و هنرجع الاتنين قبل ميعاد الشغل

 مغامراتنا هتبدأ من يوم الاربعاء 27 سبتمبر بليل وبنرجع يوم الاتنين 2 اكتوبر الصبح بدري نكون في القاهرة ان شاء الله.

 هيكون معانا باص مُكيف من أول الرحلة لأخرها.

 إقامتنا هتكون Soft All-Inclusive في فندق Bliss Nada Beach Resort
4 نجوم  على البحر في مرسى علم.

 هنروح أماكن كتير في مرسى علم زي (محمية وادي الجمال، خليج القلعان وشجر المانجروف ، شاطئ أبو دباب ، حماطة سطايح دولفين هاوس، بورت غالب , مدينة القصير ).

مزارات القصير: شركة الفوسفات القديمة ، قلعة القصير ، فندق القصير ، قسم الشرطة المهجور ، شوارع القصير القديمة.

وهنشوف السلاحف البحرية  ولو حظنا حلو هنعوم مع الدلافين كمان 

 البادچت المُتوقع نصرفها في الرحلة في رينج ال 6000~6500 جنيه ممكن تزيد او تقل حاجه بسيطة
و دي معناها ان البادچت شاملة الاقامة و الإنتقالات والمزارات والرحلات والأكتيفيتيز كلها بما فيهم رحلة اليخت

 إحنا مش شركة سياحة احنا بنسافر وبنرجع بـ اصحاب واخوات جداد 
 بعد مابتسجل في الفورم وخلال 48 ساعة هنختار الناس اللي تيجي معانا و بيوصلكم ايميل فيه لينك الجروب للناس اللي هتكون معانا في الرحلة.