بعد طلب كتير منكم قولنا ندلعكم في رحلة مفهاش غير الروقان والفصلان والدلع والحمدلله دي من احلى الرحلات اللي بنعملها واللي انتوا بتحبوها 

ودي هتكون الرحلة رقم ٧ لينا ل مرسى علم والقصير في أجازة عيد الاضحى الجاية 

 هنتحرك اول ايام عيد الاضحى المبارك يوم الأربعاء ٢٨ يونيو بليل وبنرجع يوم الإثنين ٣ يوليو الصبح بدري نكون في القاهرة.

 هيكون معانا باص مُكيف من أول الرحلة لأخرها.

 إقامتنا هتكون Soft All-Inclusive في فندق Bliss Nada Beach Resort
4 نجوم  على البحر في مرسى علم.

 هنروح أماكن كتير في مرسى علم زي (محمية وادي الجمال، خليج القلعان وشجر المانجروف ، شاطئ أبو دباب ، حماطة سطايح دولفين هاوس، بورت غالب , مدينة القصير ).

مزارات القصير: شركة الفوسفات القديمة ، قلعة القصير ، فندق القصير ، قسم الشرطة المهجور ، شوارع القصير القديمة.

وهنشوف السلاحف البحرية  ولو حظنا حلو هنعوم مع الدلافين كمان 

 البادچت المُتوقع نصرفها في الرحلة في رينج ال ٦٠٠٠ جنيه ممكن تزيد او تقل حاجه بسيطه
و دي معناها ان البادچت شاملة الاقامة و الإنتقالات والمزارات والرحلات والأكتيفيتيز كلها بما فيهم رحلة اليخت

 إحنا مش شركة سياحة احنا بنسافر وبنرجع بـ اصحاب واخوات جداد 
 بعد مابتسجل في الفورم وخلال 48 ساعة هنختار الناس اللي تيجي معانا و بيوصلكم ايميل فيه لينك الجروب للناس اللي هتكون معانا في الرحلة