ناس كتير وحشتنا أوي وماخرجوش معانا من زمان ونفسنا نشوفهم ونتجمع معاهم تاني ف عملنا outing نتجمع فيه كلنا ونفطر سوا في أوتينج (#لم_الشمل٢) 

 الouting هيكون الجمعة الجاية 7 أبريل، وهيبقى عظيم جداً بوجودكم 

 هنبدأ اليوم بفرهدة شوية هنعمل كاياك (kayak) في نادي طلائع الجيش في الزمالك  وبعدها هنروح نفطر على يخت في الزمالك من أحلي اليخوت هناك من ناحية جودة الأكل ونظافة المكان، واليخت هيتحرك بينا نأخد جولة وسط النيل وقت الفطار وبنسبة كبيرة اليخت هيكون مخصوص لينا بس  وكفاية أنك هتفطر وأنت في وسط النيل  وبعدها هنقعد قعدة حلوة في المكان ندردش ونهزر ونلعب  ولو حابين نتسحر سوا ممكن نتسحر في السيدة زينب أو أي مكان “عربية فول” هنقرر وقتها “والسحور أختياري بردو علشان الي حابب يمشي بدري براحتة”.

 وجبة الفطار هتبقى إما عبارة عن 3 قطع شيش طاوق و 2 كفتة، أو نص فرخة، وبيكون معاهم مشروب رمضاني وشوربة ورز بالخلطة وسلطة وبعد الفطار لازم نحلي طبعاً، الحلو هيكون حلويات شرقية.

 العدد هيكون محدود للأسف مش هنقدر نأخد أكتر من 30 شخص علشان سعة اليخت، وهنختار بأولوية الدفع وتأكيد الحجز.
 اليوم هيبدأ من الساعة 2 الظهر ويخلص بعد الفطار وقت ماتحب تقدر تمشي.
 لو في عدد جاين من الأسكندرية في أحتمالية نقدر نوفرلهم مواصلات رايح جاي.
 تكلفة اليوم مش هتعدي ال500 ل550 جنية بالفطار والكاياك أوالعجل ورسوم دخول النادي، على حسب هتعمل ايه في اليوم.

 اليوم ده هيكون بس للي خرجوا معانا قبل كده 
 مينفعش حد يجيب حد معاه من غير مايكون مسجل في الفورم ومبلغنا قبلها 🫱🏿‍🫲🏿