📌 احلى حاجة انك تبدا سنة جديدة في مكان رايق زي ” سيــوة 🌴🍃” و من احلى الرحلات اللي بنحبها ❤️ و احنا راجعين كمان بنزور مرسى مطروح
📆 الرحلة هتبدا من يوم الخميس بليل 28 ديسمبر وهنتحرك 10 بليل وهنرجع يوم الثلاثاء 2 يناير 2024 الساعه 7 الصبح بدري نكون في القاهرة إن شاء الله ( 5 ايام 3 ليالي).
🏕️ إقامتنا هتكون في كامب علي خالد من اشهر كامبات سيوة لمدة 3 ليالي .

⚠️ الغرف بتكون تريبل بحمام داخلي و ممكن يكون فيه غرف دبل بس بتكون بسعر اضافي .
📝 البروجرام بقا هنروح فيها كل المزارات اللي مُمكن تتراح في سيوة زي ” جبل الموتى، جبل الدكرور، قلعة شالي، معبد التنبؤات المعروف بمعبد وحي آمون وهنزور مكان تتويج الإسكندر الأكبر فيه، البحيرات المالحة ، كهف الملح ، عين كيلوباترا “چوبا”، عين المياة الكبريتية الساخنة والباردة في كامب علي خالد، هنشوف الغروب من جزيرة فطناس، سفاري بحر الرمال الأعظم وهنسهر في الصحراء و نتعشى هناك “
و في اخر يوم في الرحلة هنعدي علي مطروح نريح من نص المشوار و نتمشى ع البحر و ناكل ايس كريم و نتعشى و بعدها نكمل طريقنا للقاهرة.
💸 البادچت هتكون في حدود من 4500 ~ 5000 ج.م.
⚠️ و دي معناها انها بتكون شاملة الإنتقالات بباص مكيف والإقامة في الكامب والمزارات و الجايد والأكل والأكتيفيتيز كُلها منها سفاري بحر الرمال الأعظم وكل حاجة تقريباً 🏜️
🔢 الرحلة دي هيكون عددنا 30 شخص
⚠️ و انت بتملى بيانتك اتاكد انك حاطط كل حاجة صح عشان نقدر نوصلك بسهولة
و اتاكد انك عندك برنامج Telegram عشان دا وسيلة تواصلنا الوحيدة و الجروب هيتعمل عليه
⚠️ الناس اللي هنختارها تيجي معانا هنرد عليهم بايميل في خلال 24 ساعة .

وتفاصيل الاوتنج/الرحلة بالظبط هتكون على جروب التليجرام للي هيطلعوا معانا إن شاء الله، أحنا بنأخد عدد محدود علشان نقدر نندمج كلنا ونستمتع سوا ❤
🔵 بعد ما بتسجل بيجيلك 2 ايميل ، الاول بيكون محتواه ” شكراً انك سجلت ” و دا عشان يتاكدلك ان الفورم بتاعتك وصلتنا 🙏🏻
الايميل التاني بيكون فيه لينك الجروب للي اتقبلوا معانا او اعتذار عن الاوتنج .
⚠️ لينك الجروب اللي بيتبعت ليك دا خاص بيك بس مينفعش نبعته لاي حد تاني سواء مسجل اسمه معاك او لا غير لما تبلغ الادمن الاول 😅🙏🏻