سانت كاترين ⛰️Saint Catherine
الهايكرز الجامدين يجمعوا هنا بسرعة علشان قررنا نروح سانت كاترين في أجازة 6 أكتوبر رحلة سريعة نفرهد هناك ونعمل هايك ونستكشف سوا وديان وجبال كاترين 
المُغامرة دي محتاجة هايكرز جامدين ومُغامرين قادرين يتحدوا نفسهم ومش بيفرهدوا بسرعة 
رحلتنا هتكون 4 أيام و3 ليالي، هتبتدي يوم الأربعاء 4 أكتوبر، هنتحرك بليل من القاهرة، ونرجع يوم الأحد 8 أكتوبر أخر النهار.
مستوى الهايك هيكون متوسط بس عاوزة ناس رياضية وعارفين يعني ايه هايكينج.
هنعمل هايك في وديان “تلعة وطلاح” وهنطلع جبل من جبال كاترين “غالباً هيكون جبل باب الدنيا” وكدا كدا البلان بالظبط وتفاصيل الرحلة هنظبطها على جروب المُغامرة.
عددنا هيكون من 10 ل15 شخص بس.
البادچت اللي حاطينها للرحلة هتكون من 3500 لـ 4000 و دي بتكون شاملة الانتقالات و الاقامة و الهايك و الاكل و الشرب و كل حاجة
التفاصيل بالظبط هنعرفها للناس الي معانا في جروب الرحلة.
