هنبدأ مغامرتنا من اجازة عيد الفطر وهنبدأها من يوم السبت 22 أبريل (وهيبقى أول ايام عيد الفطر الكريم ان شاء الله ) ورحلتنا هتكون (١٣ يوم) وتخلص يوم الخميس( ٤ مايو)
والجميل المرة دي ان في تقريبا من ال ١٣ يوم ٧ ايام اجازه ( عيد الفطر وعيد تحرير سيناء وعيد العمال ) يعني انت لو موظف ف كل اللي محتاجه ٦ ايام اجازه من رصيدك بس

هنعمل المرة دي مغامرة من اللي انتوا بتحبوها ميكس المغامرات الجميل اللي عملناه قبل كده كذا مرة وهنروح فيه كذا مدينة والجميل ان هنقضي العيد في سويسرا الغلابة ( طرابزون وريزا وايدر و أحلى طبيعة شلالات وجبال وحاجة سبحان الله كانك في الجنة هنفصل فصلة جميلة جدا من ضغوطات الحياه )
وبعدها هننتطلق على انطاليا والمغامرات من Rafting وشلالات وتيلفيريك ومش هننسى فتحية وأجمل بحر وجزر في تركيا عشان نعمل رحلة بحرية ل ١٢ جزيرة من أجمل الجزر في البحر المتوسط وكمان هنعمل احلى paragliding ونط بالبارشوت من فوق اعلي قمه هناك ان شاء الله
وبعد مانخلص جولتنا العظيمة دي ان شاء الله من المغامرات نرجع لأسطنبول عشان نتمشى في شوارعها الجميلة ونزور اهم الأماكن الأثرية هناك ومش هينفع ننسى طبعا الشوبينج قبل مانروح 
الأحلى في المغامرة دي ان هنسمح المره دي يكون في عدد معين من الأهالي يعني تقدر تجيب والدك او والدتك معاك بس هيكون الأولوية لعدد معين بس والباقي هيكونوا شباب وهنعملهم برنامج حلو جدا في الرحلة دي بس بشرط يكونوا بيحبوا السفر وجو المغامرات بتاعنا
كمان لو في Couples فرفوشين كده حابين يجيوا معانا ف مرحب بيهم خصوصا لو شهر عسل او دي اول رحله ليهم بعد الجواز ف هيدلعوا معانا احلى دلع
——————————————————————————————————
 السفر هيكون فجر يوم السبت ٢٢ إبريل ( أول ايام عيد الفطر المبارك ) والعودة يوم الخميس ٤ مايو
السفر هيكون من مطار القاهره والعوده من مطار القاهره والوزن ٤٠ كيلو رايح راجع ان شاء الله
 المدن اللي هنزورها ان شاء الله ( طرابزون ، ريزا ، ايدر ، أوزنجول ، انطاليا ، فتحية ، اسطنبول )
 تقدر تسافر معانا من أي بلد في العالم مش لازم تكون من مصري او عايش في مصر
 البادجيت اللي متوقعين نصرفها من 1500 $ ل 1700$ دولار على حسب مصاريفك انت وعلى حسب سعر الطيران اللي هنحجزه
البادجيت دي المقصود بيها:-
 الفيزا
 الطيران الدولي ( من القاهره لأسطنبول مباشر ومن أسطنبول للقاهره بوزن ٤٠ كيلو )
 الطيران الداخلي ٣ طيارات ( من أسطنبول لطرابزون – من طرابزون لأنطاليا – من فتحية لأسطنبول )
الأكتفيتي اللي هنعملها كلها زي ال Rafting ل Zipline وboat trip و hiking وكل حاجة ممكن تتخيلها معادا (Paragldaing) ( ده بيكون بادجيت لوحده )
المواصلات داخل كل مدينة ومن مدينة لمدينة
والأقامة في كل المدن وفي الأغلب الفنادق مش بتقل عن ٣ نجوم ولكن احيانا بيكون في شقق فندقية بتعادل نفس نضافة الفنادق واكتر
 الأكل والشرب بمتوسط بادجيت طبيعية لكل يوم
 وكل حاجه حرفيا معادا الشوبينج يمكن لو مسكت نفسك شوية هناك هتبقى بالشوبينج كمان
 عددنا هيكون في الأغلب ١٥ مغامر عشان نقدر ننسبط ونلف براحتنا
 الأقامة بتكون في فنادق في الأغلب مبتقلش عن ٣ نجوم وشقق فندقية و Hostels والغرف احيانا بيكون فيها اكتر من ٣ اشخاص
هنعمل Activities كتير زوي من أول ال Rafting ل Zipline ل Paragldaing وboat trip و hiking وكل حاجة ممكن تتخيلها
——————————————————————————————————
كل واحد يقدر يجي او يرجع في الوقت اللي يناسبه على حسب هو حابب يعمل ايه
تقدر تحجز التذكرة او السعر اللي يناسبك مش مربوط بطيران معين او سعر معين
 حتى لو كنا عملنا الرحلة دي قبل كدة كذا مرة ف احنا بنسافر كل مرة عشان نروح نستكشف اماكن وحاجات جديدة فلازم يكون عندك تقبل للسفر بالطريقة دي
 احنا بنختار الناس اللي تسافر معانا بدون تحيز لجنسية معينة او لديانة او اي حاجة تماما بس بنحاول نخلي الجروب يكون شبهه بعضه عشان نقدر نندمج مع بعض وتكون مغامرة جميلة
 احنا عارفين ان ممكن يكون في اعلانات لرحلات ارخص لتركيا بس صدقني باللفة اللي احنا بنتكلم فيها دي مستحيل تلاقي سعر أقل من كده وكمان لازم تتأكد ان اي شركة اكيد هيكون السعر شامل الطيران والأقامة بس ! ( ملوش علاقه بسعر الفيزا ولا سعر البرنامج ولا الأكل والشرب وكل الكلام ده )
 لازم عشان تسافر معانا تبقى فاهم فكرة الجروب وان احنا بنسافر اصحاب ولو محتاج تاخد لفه في الجروب الأول وتشوف رحلاتنا اللي قبل كده هيكون أفضل
عشان تكون معانا لازم تسجل وبنرد عليكم في خلال ٤٨ ساعة ونعرفكم باقي التفاصيل عشان نبدأ نجهز الورق والفيزا سوا