المغرب للمرة التانية 
⚠️ تنبية ☠️
ياريت أهل المغرب يأخدوا حذرهم من يوم 23 يناير ولحد 4 فبراير عشان Travel Buddies قررت تيجي المغرب مع جروب متهورين للمرة التانية #️⃣2️⃣
🗺️ المره دي بقى عاملين route تحفة بما أننا بقينا خبرة هناك خلاص هنزور ونستكشف فيها مُدن أكتر زي؛ (طنجة، تطوان، شفشاون، أقشور، فاس، إفران، الرباط، الدار البيضاء، مراكش)
تعالوا أحمسكم أكتر وأقولكم على الأماكن والأكتيڤتيز اللي مينفعش تتفوت هناك وهنروحها كلها إن شاء الله 🤛🏿💥🤜🏿
◽️شلالات أقشور وهنعمل هايك عظيم هناك ⛰️🌊
◽️سيتي فاطمة وجبال الأطلس وفي هايك حلو أوي بردو 🧗🏻
◽️شفشاون الزرقاء والجولة في المدينة القديمة عظيمة 💙
◽️هنجرب الأكل المغربي وحلاوتة وطعامتة 😋🥘
◽️وإن شاء الله هيبقى حظنا حلو ونشوف الثلوج في إفران 🗻
🛫 الجامد بقى أن هنسافر المرة دي من القاهرة يعني مفيش بهدلة ولا مطارات بعيدة وحاجة آخر دلع 😉🥳
🚍 كمان هيكون معانا باص حديث وprivate طول الرحلة
🕵🏻♂️ بيكون معانا في أغلب الوقت جايد مغربي بيساعدنا نعرف أكتر عن البلد وتقاليدها وعلشان نقدر نعيشها معاهم 🥰
💸 ندخل في المفيد بقى و هي بادجيت الرحلة، وعشان نكون متفقين أي بادجيت رحلة بتبقى متقسمة: (الطيران، الفيزا، الأقامة والفنادق، الإنتقالات، الجايد، الشوبينج، الأكل)
✈️ هنبدأ بالطيران: التذكرة عاملة 10500 ج.م. من القاهرة رايح جاي على طيران AirCairo
🧳 الوزن ع الرحلة دي بيكون 30 كيلو و7 في الطيارة فوق (مش هتحتاجوا أكتر من كده خالص)
🪪 الڤيزا بـ 700 ج.م. ودي بتدفعها بعد ماتستلم الفيزا، ومش لازم يكون عندك كشف حساب كبير أو يكون باسبورك مليان سفريات
🛂 جهزوا باسبورتكم وأحنا هنساعدكم في تجهيز الورق
🚨لو معاك ڤيزا (شينجن أو أمريكا أو إنجلترا) سارية تقدر تاخد الفيزا أونلاين ومش هتحتاج تروح تقدم
🏡 الإقامة والتنقلات والجايد دول هيكونوا في حدود 600$ دولار ولازم يكونوا دولار أو يورو وكاش طبعاً 🙏🏻
🏠 الإقامة بتكون في أماكن متوسطة ما بين فنادق 3 نجوم أو أماكن بيسموها “رياض” وبتكون على الطراز المغربي بس طبعاً بتكون نضيفة جداً ومُرتبة
🛒🫕 الشوبينج والأكل دول بيكونوا ع حسب مصاريف كل شخص لكن الأكل مش هتحتاج في المتوسط أكتر من 100$ غالباً
💰 يعني توتال البادجيت أكل وشرب والأكتيڤتيز وإقامة كل حاجه ويمكن بالشوبينج كمان هتكون في حدود من 1000 ل1100 دولار
📆 السفر هيكون يوم الثلاثاء 23 يناير الساعه 5:30 المغرب من مطار القاهرة، وهنرجع القاهره يوم الأثنين 4 فبراير الساعة 5 الفجر إن شاء الله
🗓️ مدة الرحلة هتكون 13 يوم منهم 5 أيام أجازة؛ أجازة 25 يناير وجُمعتين وسبتين، يعني محتاج 8 أيام أجازة بالكتير من شغلك 🙄 أو تقدم إستقالتك أيهما أسرع بقى 🌚🤷🏿♂️
🇲🇦 المغرب من البلاد الجميلة اللي فيها تنوع ثقافي وأحنا بنعمل بلان عظيمة ف مش هتحسوا بالملل دقيقة واحدة في المغامرة دي 🤩
🏃🏻♂️ الرحلة دي محتاجه ناس روحهم شباب ويكنوا خُفاف علشان بيبقى كُلها مُغامرات للركب وحركة كتير وفرهدة 💪🏻
🚧 ممنوع الصحاب والشلل علشان أحنا عاوزينك تستكشف نفسك في الرحلة دي 😎
👥 عددنا هيكون من 15 ل20 علشان نعرف نحتوي بعض كده وننبسط كلنا… أنت وحظك بقى يا تلحقنا يا ماتلحقناش
🦸 مهم جداً تكون فاهم فكرة الجروب وأن أحنا بنتعامل أصحاب طول الوقت وممكن تحاول تشوف الstories بتاعت رحلاتنا اللي فاتت على الإنستجرام
⚠️ وارد جداً يحصل أي تغيير في التواريخ أو البادجيت أو البلان في أي وقت بس بيكون بالتنسيق معاكم على جروب التيليجرام الخاص بالرحلة
