اظن المغامرة دي مش محتاجه يتعملها اعلان ولا ينزلها بوست لان ماشاء الله يعتبر الرحله محجوزة معانا من قبل ما نعلن من كتر الناس اللي مستنينها وبيسئالونا عليها

الرحلة دي هتكون الرحلة الأخيرة في 2023 وهنبدأ تاني من السنه الجديدة نعلن عن رحلاتنا دي ف لو لسه مجربتش التجربة دي يبقى انت محتاج تلحق آخر فرصه ليك السنادي

المرة دي وزي كل مرة الرحلة تحت شعار أكل ومرعى وقلة صنعه 

تخيل ياصديقي 4 أيام في البحر في الغردقة على يخت ولا احلاها فندق مبتعملش حاجة غير تصحى تبلبط في المايه وتفصل وتروق كده 
كل اللي هنعمله ان هنقف في جزر في البحر كل يوم جزيره شكل وننزل نقضي اليوم عليها ونصطاد ونلعب banana boat ونعمل snorkeling وحاجة اخر دلع 

فصلان بشكل جديد ومُختلف، بعيد تماماً عن أي فرهدة،  هنروح يخت في الغردقة لمُدة 4 أيام، يعني هنبات 3 ايام على اليخت في عرض البحر  مش هنعمل أي حاجة غير أننا كل يوم هنصحى من النوم نزور جزيرة شكل زي (اورانج باي، أو دولفين هاوس، أو أبو مُنقار، أو مجاويش)  و ننزل نعمل Snorkeling  ومُمكن نصطاد كمان  ده في ال water activity 

 الكباين هتكون دبل وكلها مُكيفة. الجُزر وأماكن الأسنوركلينج مُمكن تتغير حسب الملاحة و حالة الجو وقتها 

 هنتحرك من القاهره يوم الخميس 26 اكتوبر بليل وهنرجع القاهره يوم الأثنين 30 اكتوبر اخر النهار .

 البادجيت هتكون في حدود 6500 – 7000 جنية.

ودي شاملة :-
– الانتقالات من القاهره للغردقة ذهاب وعودة
– الأقامة والاكلall inclusive على اليخت ( فطار وغداء وعشاء ومشروبات)
– كل الأكتفيتي وادوات الاسنوركلينج والتذاكر وتصاريح المخابرات و حرس الحدود
– مش هتحتاج تدفع اي جنيه زيادة طول الرحلة

وباقي التفاصيل هنبعتها على جروب التيليجرام

و انت بتملى بيانتك اتاكد انك حاطط كل حاجة صح عشان نقدر نوصلك بسهولة
و اتاكد انك عندك برنامج Telegram عشان دا وسيلة تواصلنا الوحيدة و الجروب هيتعمل عليه
 الناس اللي هنختارها تيجي معانا هنرد عليهم ف خلال 24 ساعة

وتفاصيل الاوتنج بالظبط هتكون على جروب التليجرام للي هيطلعوا معانا إن شاء الله، أحنا بنأخد عدد محدود علشان نقدر نندمج كلنا ونستمتع سوا 

 بعد ما بتسجل بيجيلك 2 ايميل ، الاول بيكون محتواه ” شكرا انك سجلت ” و دا عشان يتاكدلك ان الفورم بتاعتك وصلتنا 
الايميل التاني بيكون فيه لينك الجروب للي اتقبلوا معانا او اعتذار عن الاوتنج

 لينك الجروب اللي بيتبعت ليك دا خاص بيك بس مينفعش نبعته لاي حد تاني سواء مسجل اسمه معاك او لا غير لما تبلغ الادمن الاول