هنـروح الواحات البحرية و الصحراء البيضاء و السوداء نقضي يومين في قلب الصحراء حرفياً و نعيش اصول الـ Camping ❤
الرحلة هتبتدي من يوم الجمعة 19 مايو الصبح و هنكون يوم السبت 20 مايو بليل فـ القاهرة إن شاء الله

اقامتنا هتكون في قلب الصحراء البيضاء هناك و هنبات في خيم ⛺

و هنعمل سفاري فـ صحراء الواحات و نروح ( الصحراء البيضاء ، الصحراء السوداء ، الجبل المرصوص ، وادي العقبات ، تشكيلات الصخور الجيرية زي ” الارنب و المشروم و الرجل المقلوبة و الفرخة .. ” ، جبل الكريستال )
و في حاجات تانية كتير هنعملها و هنعرفها للناس اللي هتكون معانا ف الجروب ان شاء الله 🥳❤

🔵الرحلة هتكون يومين بليلة
🔵الاوتنج دا مش عاوز ناس فرافير اللي بتحب تقعد في فنادق 🤣🤣 عشان إحنا هنام ع الأرض في قلب الصحراء حرفياً 🤣 و الحمام بتاعنا هيكون حمام صحراوي مش زي الحمامات العادية بس هو شبهها الي حد ما .

🔵 البادچت اللي متوقع نصرفها و مش هنعديها بإذن الله هتكون في رينج 2000 ج و دي هتكون شاملة الاقامة و الوجبات و السناكس كلها و المواصلات ❤🔥

⚠ الأوتنج دا مش هينفع يكون فيه اطفال او حد سنه كبير عشان هيكون في فرهدة كتير
⚠و انت بتملى بيانتك اتاكد انك حاطط كل حاجة صح عشان نقدر نوصلك بسهولة
و اتاكد انك عندك برنامج Telegram عشان دا وسيلة تواصلنا الوحيدة و الجروب هيتعمل عليه
⚠ الناس اللي هنختارها تيجي معانا هنرد عليهم ف خلال 24 ساعة

🔗 لينك الفورم من الجنب، وتفاصيل الاوتنج بالظبط هتكون على جروب التليجرام للي هيطلعوا معانا إن شاء الله، أحنا بنأخد عدد محدود علشان نقدر نندمج كلنا ونستمتع سوا ❤

🔵 بعد ما بتسجل بيجيلك 2 ايميل ، الاول بيكون محتواه ” شكرا انك سجلت ” و دا عشان يتاكدلك ان الفورم بتاعتك وصلتنا 🙏🏻
الايميل التاني بيكون فيه لينك الجروب للي اتقبلوا معانا او اعتذار عن الاوتنج

⚠ لينك الجروب اللي بيتبعت ليك دا خاص بيك بس مينفعش نبعته لاي حد تاني سواء مسجل اسمه معاك او لا غير لما تبلغ الادمن الاول 😅🙏🏻