جيه الوقت ان احنا نعلن عن عودتنا للبلد اللي تقريبا كنا اول جروب مصري يخشها و نقطع الشريط بتاعها

و ناس كتير من اهل البلد كانوا اول مرة يشوفوا جروب مصري فيها

و من احلى بلاد القوقاز اذربيجان

و مش كدا بس لا هنروح چورجيا كمان

هيكون ميكس غريب و حلو بين بلد اسلامية و جوامع و اكل حلال و بين بلد من بلاد اوروبا الشرقية و الكنايس و الطبيعة و المغامرات

طيب هنقعد قد ايه ؟

بص يا سيدي هنسافر يوم 22 سبتمبر 2023 و هنرجع يوم 5 اكتوبر

يعني هنقعد حوالي 13 يوم

ايه البرنامج و الاكتيفتي هناك ؟

الاكتيفتي هيكون عظيييم بجد هنعمل كل حاجة ممكن تتعمل هناك ما بين نعمل zipline و نركب الـ coaster و طبعا التيلفريك و الـ Paragliding و الـ Rafting و حاجات كتييير جداً و نزور اهم الجوامع و المعالم الاثرية في البلدين و الكنايس .

و هنركب التليفيريك كتير اوي في الطبيعة و في وسط المدينة و تجربته ممتعة جداً .

هنقعد فين هناك ؟

الأول تعمل حسابك إن احنا كل كام يوم هنتنطط ع مدينة جديدة ف خلي شنطتك جاهزة دايمًا و الاقامة هتكون ما بين فنادق و شقق فندقية و هوستلات

حلو طيب الفيزا نظامها ايه ؟

فيزا اذريبجان ” استيكر ع الباسبور “

و بـ 20$ بس و من غير كشف حساب بنك و لا Hr Letter

فيزا جورجيا ” اونلاين “

و بـ 21.5 $

طيب البادچت قد ايه ؟و شاملة ايه ؟!

البادجت 1500 $

و دي بقا شاملة خد عندك

الطيران

الڤيزا

الاقامة

الانتقالات

الاكل و الشرب

الرحلة هتكون استكشافية فـ وارد يحصل تغيير في البلان او بعض الاماكن