📌 يلا بينا نفصل شوية وسط الطبيعة و الخضرة و الحياة الريفية و نروح ” الاورجانيك فارم ” نقضي يوم رايق هناك
📆 هنروح يوم السبت 23 ديسمبر الصبح و نرجع بليل ع الساعة 10~12 بليل
📝 الـ Organic Farm من اكتر المزارع الرايقة اللي روحناها الفترة الاخيرة اول ما بنوصل بنبدا يومنا بالـ Welcome Drink كوباية لبن جاموسي فريش كامل الدسم تستاهل بوقك🥛
و نبدا الفطار الفلاحي علطول بقا ” فطير مشلتت ، عيش بلدي ، عسل ابيض ، عسل اسود ، جبنة قريش ، جبنة قديمة ، قشطة ، طحينة ” 🍯🧀🫓
وبعدها هنقضي اليوم كله وسط الطبيعة نتعرف على اشكال وانواع الخضروات والفاكهة 🍎🍇
وكمان هنشوف الطيور الريفية ونستمتع بالغروب وكل ده من جوه المزرعة .
وطبعًا اهم فقرة في اليوم هي الغداء اللي هيكون عبارة عن
” شوربة لسان عصفور ، طاجن رز معمر ، طاجن خضار باللحم البلدي ، محشي مشكل ، عيش بلدي ، سلطة بلدي ، سلطة حمرا ، مخلل ، طحينة “
مش بس كدا لا واختار بقي من دول كمان صنف واحد ( نص فراخ مشوية ، نص فرخه بلدي محمر 🐓 ،او ربع بطه 🦆 ،او جوز حمام بلدي ،او جوز حمام بري ،او جوز سمان )
☕ المشروبات Free طول اليوم
” مياه معدنية ، قهوة ، شاي ، مشروبات ساخنة ” 🔥
💸 البادجت هتكون في حدود 800 ج
⚠️ و دي بتكون شاملة الانتقالات و اليوم داخل المزرعة و كل الوجبات
🔢 الرحلة دي هناخد 20 بس

⚠️ و انت بتملى بيانتك اتاكد انك حاطط كل حاجة صح عشان نقدر نوصلك بسهولة
و اتاكد انك عندك برنامج Telegram عشان دا وسيلة تواصلنا الوحيدة و الجروب هيتعمل عليه
⚠️ الناس اللي هنختارها تيجي معانا هنرد عليهم بايميل في خلال 24 ساعة .

وتفاصيل الاوتنج/الرحلة بالظبط هتكون على جروب التليجرام للي هيطلعوا معانا إن شاء الله، أحنا بنأخد عدد محدود علشان نقدر نندمج كلنا ونستمتع سوا ❤
🔵 بعد ما بتسجل بيجيلك 2 ايميل ، الاول بيكون محتواه ” شكراً انك سجلت ” و دا عشان يتاكدلك ان الفورم بتاعتك وصلتنا 🙏🏻
الايميل التاني بيكون فيه لينك الجروب للي اتقبلوا معانا او اعتذار عن الاوتنج .
⚠️ لينك الجروب اللي بيتبعت ليك دا خاص بيك بس مينفعش نبعته لاي حد تاني سواء مسجل اسمه معاك او لا غير لما تبلغ الادمن الاول 😅🙏🏻