سواء بتحب التاريخ، الطبيعة، أو التسوق، تأشيرة تركيا هتفتحلك باب لعالم متنوع وجذاب، وبإجراءات بسيطة وتكلفة مناسبة.
الأول الفيزا
هنا احنا بنتكلم على التأشيرة السياحية بس
لو انت من المحافظات دي ف هتقدم من مكتب VOYA VISA في القاهرة اسمه MZ سابقا
(القاهرة – الشرقية – بني سويف – الجيزة - القليوبية – الفيوم – بورسعيد – الإسماعيلية – السويس .
جميع محافظات الوجه القبلي )
ولو انت من المحافظات دي ف هتقدم من مكتب VOYA في الإسكندرية
( مرسى مطروح – المنوفيه – دمياط – الإسكندرية – كفر الشيخ – الغربية – البحيرة – الدقهلية )
وانت رايح لازم تبقى مجهز الورق ده :-
- كشف الحساب لآخر حركة ٦ شهور
- Hr latter من الشغل بالأنجليزي موجهه لسفارة تركيا مكتوب فيه الأسم والدرجة الوظيفية وبتشتغل معاهم من أمتى والمرتب وان معندهمش مانع انك تاخد أجازه في الفترة بتاعت السفر ( حاليا احيانا بيطلبوا برنت التأمينات في السفارة) / أو لو انت عندك مشروع البطاقة الضريبية والسجل التجاري
ـ صورتين شخصيه خلفية بيضا حديثه ٤x٦
ـ 208 دولار شاملة التأمين الصحي وتكلفة خدمات مكتب Voya ( مش مقطوعين أو مكتوب عليهم)
التصريح الأمني
بعد الفيزا هتحتاج تعمل التصريح الأمني من العباسية وهيطلبوا منك :-
⁃ جواز السفر مكتوب فيه الوظيفة او صاحب مشروع او لو تابع لنقابة يبقى مكتوب .
- صورة تأشيرة تركيا
- الموظفين خطاب HR Letter من جهة التوظيف التي يعملون بها بالعربي وبرنت تأمينات
⁃ لو صاحب مشروع يبقى البطاقة والسجل التجاري
⁃ لو نقابة يبقى كارنيه النقابة ساري - بيحتاجوا صورة بطاقة الوالد او شهادة الميلاد او الوفاة
